1 SAMUEL 2:35 - Cho Bible Common Language 2016

³⁵ Kei ung bekhüt khai la kei naw abi vai ka ng’yak hlü päng bik khai ah taigüpa cu kei naw ka ghü khai. Kei naw hta ng’shon nak ka pek khai, acun naw angtäi sei, kei ah ghü ah ghangpughang ah ma ah bi bik khai.

1 SAMUEL 2:35 Referans Kwoze

2 SAMUEL 7:27

Hlüngtai ciah Bawipa, Israel gui ah Khanpughi! Kei naw nang ah shin ah taigü ka taigü vai ah tha gui om ci nei, a i ah kyasei ci ung nang naw shin gui avan cu kei, na changshäm ung na m’dang ci, ka hta ng’shon gui ghangpughang ah na pyang gui khai ah phi na na m’thein ci nei.

1 GHANGPUGHANG GUI 11:38

Nang naw kei cu akbe ah na ng’ngai ne, ka thukhän awn ghing ne, ka changshäm David ah bi ah mäih ah, ka thumkhän ah mäih bi ne, ka ng’yak hlü ah na om ah a kyak ung, kei naw angtäi sei ka ning om püi khai. Kei naw nang cu Israel ghangpughang ah ning pyang ne, nang ah kawn ah na hta ng’shon gui naw ami uk vai cu ng’hteicha khai ah ka bik khai, cun cu David ung ka bi ah mäih ah kyak ci.

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

SAM 18:50

Khanpughi naw küikyang ciah näng nak cu a ghangpughang am pek ci; Ani naw a ghü ah chang, David la a hta ng’shon am ng’täi ciah am hni nak cu angtäi ah m’dang ci.

HEBRU 2:17

Cun ah ani cu a mawng avan ung a phäinau gui ah mäih kya ne, ak chang gui shetkat nak ung m’gein gui khai ah, bekhüt nak la chimgein nak awn be ne Khanpughi ah khuut bik ciah Taigü Tung ah kiak ci.

1 SHONTÄP NAK 29:22

A cu ah hnüüp ung ngami cu Bawipa ah ma ah ami ei awk ah phäh ah anghtei ah yeikyai ci gui. Solomon cu ghangpughang ah kyak ci nei cine ak nih vei nak ah ng’shäu ci gui. Ani cu Bawipa ming awn ami uktu ah phyuh theh u ne, Zadok cu taigü ah tha ci gui.

1 GHANGPUGHANG GUI 2:35

Ghangpughang naw Benaiah cu Joab ah hnün ung gabawi ah tha ne, Abiatha ah hnün ung Zadok cu taigü ah tha ci.

1 GHANGPUGHANG GUI 1:45

Zadok la Nathan naw Kihon tuihta ung ani cu ghangpughang ah phyuh theh ci goi, Ngami cu mang gaw kyong ah lut u ne, yei ne m’lau u sei, tuhbäi chang gui thüghak ci gui. Cun cu nang naw na ng’yak ah kyak ci.

1 GHANGPUGHANG GUI 1:8

Cun ung phi taigü Zadok, Jehoiada ah hta Benaiah, prophet Nathan, Shimei, Rei la David ngäng ciah chang gui cu Adonijah täng ah kä kya tuk ci gui.

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

KHEI NAK 25:13

Ani la ani ah htangshon gui cu, angtäi sei taigü ah m’düih gui nei. Ani cu kei na küknet püi ciah khanpughi ah khan ah am lung kä sau ci. Cun ung phi chang gui ah katnak ah hmawk ah geinsei nak law püi ci” cik ci.

1 SAMUEL 2:36

Na hta ng’shon ung ka, api k’pawih ba ci gui cu taigüpa ah hteit ne, ngui la ei k’thäh khai gui, ei vai ami gah vai ah phäh ah taigüpa cu bi ning bi püi kawng cine, ami bi sak vai ah ng’hui ng’pa khai gui.”

1 SAMUEL 3:1

Cun yah ung ak hmaw Samuel cu Eli ah ka ung om ne Bawipa ah bi bik ci, a cu ah Bawipa ung ka lawk ciah ng’thu ken ci, ani ung ka lawk ciah muimang phi apihta ah kyak ci.

1 SAMUEL 7:9

Samuel naw htome hta ngawn ne, avan m’khih ne Bawipa cu khawihnah ci. Ani naw Israel gui am htei vai ah Bawipa ah taigü sei, Bawipa naw ak taigü ngai ci.

1 SAMUEL 8:3

Cun ung phi ami pa ah bi cu kä läk hlawt ci gui; ngami cu ngui gah vai bäng tha nak ci gui. Ngami cu ng’mü khawh dou u ne a i ah mawng phi ng’düng khai ah kä m’khoi m’chak ci gui.

1 SAMUEL 9:12

“Ä, om ci nei,” ci u ne hnumi hta gui naw, “Akcang ah, ani cu nani ma lung ung om ci nei. Na ni yang ah ak kyang ung na ni k’pha khai nei. Gawnu kyong ah nami valuh vai am ani cu nani hmuk khai nei. Ani tuhngawi gawnu ah gawk lawk ci, a i ah kyasei ci ung chang gui naw khomhtung ah mangkiang ung khawihnah nak douthak khai gui ah kyak ci. Ami khü tu gui ah chang gui naw ani cä ah kä a gawk pha ah chuih, ei tün ne kä ei khai gui, a i ah kyasei ci ung khawihnah nak cu ani naw hriham pe ma khai. Tuhbäi nani hteh ah a kyak ung, ani ei tuk khai ah m’htung ah kä hang kai pha sei nani hmuk khai nei.”

1 SAMUEL 10:9

Saul naw Samuel hteh tak khai ah ang hlah law yah ung Khanpughi naw Saul am ng’nei an nak akthai pek ci. Samuel naw am thein gui phung cu a cu hnüüp kya yawp ci.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.