1 SAMUEL 2:34 - Cho Bible Common Language 2016

³⁴ Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 2:34 Referans Kwoze

1 GHANGPUGHANG GUI 13:3

Prophet naw k’täi ne pyen ba ne, “Shin ah sonkiang cu ng’phye ne ng’gäi khai, acun ah khan ungka m’vut gui cu ng’phyang yawp khai. Cun kawn ah kei ung Bawipa naw ng’thu pyen ciah nang naw na hmat khai.”

1 SAMUEL 4:11

Khanpughi ah Thukhän M’küm cu gut gui ci gui, Eli ah hta goi Hophni la Phinehas cu ani nik hnih ngawn goi ci gui.

1 SAMUEL 4:17

Thu pyen lawk ciah chang naw, “Israel gui cu Philistin gui kyih ne dawng yawp ci gui; cun cu keimi ah phäh ah kyih aih vai kyak ci nei! Cun kawn ah na hta goi Hophni la Phinehas cu ngawn ci gui, Khanpughi ah Thukhän M’küm phi na gut gui ci gui!” cik ci.

1 GHANGPUGHANG GUI 14:12

Cun kawn ah Ahijah cu Jeroboam ah chu am ng’thu m’thein khai ah hteit ci, “Tuhbäi na im ah hteit ba ä. Gawnu kyong ah na luh ba vai am na hta cu sik khai nei.

1 SAMUEL 3:12

Cun ah hnüüp ung kei naw Eli ah kyongkhui hnu ng’tuk ne, m’kyih nak vai tün nak ungka naw ng’pyi nak ung khüt ci, avan ka law püi khai.

LUKA 2:12

Ak hmawhta cu yih awn hlawp ne, vantang ei-ko ung ami m’ih cu nami hmuk khai, cun nami hmuh ung ani cu nami hmat khai nei” cik ci.

1 SAMUEL 2:33

Cun ung phi na hta ng’shon tumat ghing khai ah ka k’pang khai, ani naw taigüpa ah kya ne, ka bi bik khai. Cun ung phi ani cu amik m’dauh khai, ang ngaih nak avan maih khai, a hei na hta ng’shon gui ami van cu leigai sih nak ung si yawp khai gui.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

1 SAMUEL 4:21

Ani naw ak hmaw cu Ichabod ah ang ming sui ci, a mawng cu, “Khanpughi ah bämang nak naw Israel gui hteh tak ci” Thukhän M’küm ami guh gui, apughi ah sih la a cei ah sih am dang nak ah kyak ci.

1 SAMUEL 4:22

“Khanpughi ah bämang nak naw Israel gui hteh tak ci nei” a ci ci, “A i ah kyasei ci ung, Khanpughi ah Thukhän M’küm ami guh gui ah phäh ah kyak ci.”