1 SAMUEL 2:33 - Cho Bible Common Language 2016

³³ Cun ung phi na hta ng’shon tumat ghing khai ah ka k’pang khai, ani naw taigüpa ah kya ne, ka bi bik khai. Cun ung phi ani cu amik m’dauh khai, ang ngaih nak avan maih khai, a hei na hta ng’shon gui ami van cu leigai sih nak ung si yawp khai gui.

1 SAMUEL 2:33 Referans Kwoze

1 GHANGPUGHANG GUI 1:19

Ani naw seipat gui, htome gui la plan ciah seihta gui awn khawihnah ne, douthak nak bi ne, na hta gui, taigü Abiatha, la na gakapbawi Joab cu ei awk pawi ung khü gui ci, cun ung phi na hta Solomon cu kä khü tuk ci.

1 GHANGPUGHANG GUI 1:7

Ani naw Joab (anu cu Zeruiah) la taigü Abiatha cu niipüi goi sei, ngani naw ng’düih püi vai ah yum ci goi.

TAIGÜTHUM 26:16

kei naw ka ning m’kyuk gui khai. Kei naw nami khan ah leigai ka law püi khai. Kä m’htei hlawt vai ah katnak, gawpai nak gui; a cun gui naw nami mik m’dauh sak khai, nami ghin nak kholä sak khai. Nangmi naw m’shi nami geit khai, cun ung phi cun naw kä ning ni sak gui khai, a i ah kyasei ci ung nami ga gui naw ning näng gui u ne, nami geit phi ei yawp khai gui.

1 SAMUEL 2:32

Nang cu na khüi kha khai, a hei Israel chang gui am ka pek vai ah hriham avan cu nang naw vamneng ne na teng khai, cun ung phi nang ah kyong khui ung ka tumat phi ghi ne kä ghing khai.

1 SAMUEL 2:34

Na hta goi Hophni la Phinehas cu hnüüp ät ung a täng ah ani sih ah a kyak ung, acun naw kei ah ka pyen phung a bä nak cu m’dang khai.

1 SAMUEL 22:18

Cun ah kyasei Saul naw Doeg am, “Nang naw ngawn gui ä! ci sei, Doeg naw ami van ngawn gui ci. Cun ah hnüüp ung ani naw shawiphaw kawt hning ciah taigüpa chei-kip-lei-hma cu ngawn gui ci.