1 SAMUEL 2:30 - Cho Bible Common Language 2016

³⁰ Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

1 SAMUEL 2:30 Referans Kwoze

JOHAN 12:26

Kei ah bi bi hlük ci naw ka hnu ah na läk khai, kei ah chang cu a hawi ka om ung phi kei awn a täng ah om tuk khai. Kei ah bi bik ci cu Kapa Khanpughi naw m’tamkhah khai nei” cik ci.

MALAKHI 1:6

Hlüngtai ciah Bawipa naw taigü gui am, “A hta naw apa cu chang m’sui ci, ashäm naw abawi cu chang m’sui ci. Kei cu nami na pa — a i ah kyasei kä nami na chang m’sui ang? Kei cu nami na bawi — a i ah kyasei kä nami na kyih aa ang? Nangmi naw nami na päipih ci, cun ung phi a i hawkcha ah ang kami ning päipih? nami cik ci.’

2 SHONTÄP NAK 15:2

ani cu ghangpughang Asa hmuk khai ah hteit ci. Ani naw ng’khü neta, “Na ngai ä, ghangpughang Asa, Judah la Benjamin ung chang avan naw! Nangmi cu ani ung nami om ah chuih Bawipa naw ning om püi gui ci nei. Nangmi naw ani nami shui ah a kyak ung ning hmuh sak gui khai nei, cun ung phi nangmi naw nami ng’hlah tak läi ung ning nawng gui khai nei.

ISAIAH 29:13

Bawipa naw pyen ci, “Shin ah chang gui naw na khawihnah khai gui ah pyen khai gui, cun ung phi ngami ah ng’thu ci akholä nei, ami m’lung kyong cu whei ah gawk ci nei. Ngami ah yum nak ci akholä, cun ung phi hnicim chang ah thukhän la thungyo gui, ngami naw ami shümshawi ah kyak ci.

PHYAWN NAK 29:9

Ami khei ung m’ciusam awn khih sak gui ne, lukhu phi ng’bün sak gui vai. Cun cu nang naw Aaron la a hta gui na phyutheh gui ah kyak ci. Ngami la ngami ah hta ng’shon gui naw taigü ah kya ne ngawi yä ka bii bik khai gui.

SAM 91:14

Khanpughi naw, “Kei na m’hni cicu kei naw ka hun khai, kei Bawipa ah na hmat cicu ka m’taam khai.

SAM 50:23

M’hlüngtai nak khawihnah ne bik ciah chang cu, kei na m’taam khah ciah kyak ci, kei na läk ciah chang phung cu akcang ah ka hun khai nei.

1 PETER 1:7

Cun ah yaica geinvai nak cu nami yum nak a khän la kä cun ah m’nüm nak ah kyak ci. Didap thei ciah ghui cu mei awn m’nüm ah kiak ci, ghui ah mä küikyang pi ciah nami yum nak cun phi m’nüm vai ah kyak ci, Cun ung vah khän htek nak om sei, Bawi Jesuh Khrit a kyum law ba hnüüp ung m’hlüngtai nak, bämang nak la chang m’sui nak cu nami gah khai.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

SAM 18:20

Bawipa naw düng nak ka bi ah hmawk ah ng’chuh na pek ci; katnak kä ka bi ah hmawk ah hriham nak’be ci.

JOHAN 8:49

Bawipa Jesuh naw, “Kei cu khoshe naw kä na kai ci, kei naw Kapa cu kamtam khah ci, cun ung phi nangmi naw kei cu nami na ng’yomsho ci.

DANIEL 4:34

“Khokum chih ang pyi kawn ah ghangpughang naw, kei naw khankho mik cu han dan neta, ka ng’shüm nak gawk law ba ci. Kei naw hlüngtai ciah Khanpughi cu m’hlüngtai ne, angtäi ghing ci am m’tamkhah nak la bämang nak cu ka pek ci. “Ani naw khonglän ung uk khai nei, Ani ah uknak kho cu ngawiyä om khai nei.

KHEI NAK 11:20

Cha ät lüng ung nami hnga ung meh aluh law güt, nami gaw nak güt nami ei khai nei. Acun ah kya lawk khai, a i ah kyasei ci ung, nangmi naw nami ng’lung ah om ciah Bawipa cu nami hnungtuk püi ci. Egypt khaw kä kami hteh tak vai sü, cine ama ah chiu nami m’da ci.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

JOHAN 5:44

Nangmi nami mät tumat naw tumat am hlüngtai vai nami ng’ya hlük ci. Cun ung phi tumat bäng om ciah Khanpughi naw aning m’hlüngtai gui vai kä nami tha nak ci. Cun ah kya sei nangmi naw kei a hawk chaa ah nami na yum khai yaw?

KHEI NAK 35:34

Nami om nak ah khaw cu kä nami cheishoh sak vai, a i ah kyasei ci ung, kei cu Bawipa ah kya ne Israel chang gui ah ng’lung ah ka om ci.

SUKI GUI 9:10

Cun kawn ah sing ghing gui naw thei-ghing am, ‘Nang law ne, keimi ah ghangpughang ah kya ä’ cik ci gui.

PHYAWN NAK 28:43

Aaron la a hta gui naw angtäi sei ami sui vai ah, kei ah om nak ah phung kyong ah ami luh law ung, Atheingcim Hmun sonkiang pei ah tagü ah kya ne ami law ung, cheishoh ne ami mät kä ami sih vai ah, acun ah ami suisak vai nei. Shin cu Aaron la a hta ng’shon gui ah phäh ah ng’tän ciah thukhän ah kyak ci.

1 GHANGPUGHANG GUI 11:11

a pyen nak cu, “Nang naw nang la kei ah thukhän cu akcang ah na m’shet ci, ka thumkhän gui kä na läk ci, kei naw shai ka tak cu, nang ah na uknak khaw cu kei naw ka lak khai, na bawi gui ungka tumat am ka pek khai.

SAM 73:20

Ngami cu kho ngawi ah maih ah ciah ng’mang ah mäih kyak ci gui nei; Bawipa, nang na thawh law ung ngami cu ng’kawn ci gui nei.

SAM 91:15

Ami na khü ung ka m’shang gui khai. Ami geinvai yah ung ka om püi gui khai. Kei naw gung gui ne, ka m’taam gui khai.

NG'THU K'THUUK~ 4:8

Cüivai nak cu na m’hni vai ah cun naw ning dämduh sak khai. Ani cu nakpan khek vai, acun naw ning tamkhah khai.

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

EZEKIEL 34:10

Kei, uktu Bawipa naw ka m’dang cu, kei cu nami na ga nei, kei naw ka htome cu nang ungka la ne ahei ah ka hteh püi khai, nang cu ngami ah htome shäm ah kä ka ning kyak ba sak phung khai. Nami mät naw nami mät nami m’htei vai ah kä ka ning kyak ba sak gui khai. Kei naw ka htome gui cu nangmi ungka ka gung gui khai, kä ka ning ei ba sak gui khai.

1 GHANGPUGHANG GUI 2:27

Cun kawn ah Solomon naw Abiatha cu Bawipa ah taigü ungka heeng ci, cun ah kya ne Shilon ungka taigü Eli la a hta ng’shon gui ah mawng Bawipa naw a pyen nak cu bä khai ah a bi ah kyak ci.

1 SHONTÄP NAK 17:18

Kei naw a i ka pyen ba khai ang! Nang naw akni ah na na hmat ci, nang naw na changshäm cu na m’tamkhah ci.

2 SHONTÄP NAK 26:18

ani cu thawi bawm ci gui. Ngami naw, “Uzziah! Nang naw Bawipa am m’khih ne kä na douthak hning ci. Aaron ungka ng’shon lawk ciah taigü gui bäng naw va, shin cu ng’ap ne bi hning ci gui, shin ah theingcim ciah hmun cu hteh ta ä. Nang naw Bawipa Khanpughi cu na kat na pyi ci nei, nang naw ani ah hriham kä na gah ba khai nei” cik ci gui.

SAM 18:26

Ng’ciim ci gui ah khan ah na om ng’ciim ci, changshe gui ah khan ah na om kaa ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.

JEREMIAH 49:15

Bawipa naw nangmi cu k’tha ning ken law sak gui khai, a u naw kä ning chang m’sui gui khai.

MALAKHI 2:3

Nami hta gui cu ka m’kyuk gui khai, Nami ghu tha nak ah seime ah ek awn nami hmai ka ning pet gui khai — nangmi cu ek ng’pum ah khan ah ning ghawh gui vai.