1 SAMUEL 2:3 - Cho Bible Common Language 2016

³ M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

1 SAMUEL 2:3 Referans Kwoze

NG'THU K'THUUK~ 8:13

Bawipa m’taam nak cu akshe thüi nak ah kyak ci. Kei naw chang ah ng’shei nak, m’gämce nak, akshe ah om nak la ak she ah ng’thu cu ka thüi nak ci.

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

NG'THU K'THUUK~ 16:2

Nang naw na bi phung cu bämcam ciah na ngai ci, Cun ung phi Bawipa naw na m’lung kyong m’khoichak ci.

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

SAM 147:5

Dämduh ne küikyang cicu mi Bawipa ah kyak ci; Ani ah cüivai nak cu a u naw kä nüt dawng hlawt khai.

SAM 94:4

Shetkat ciah chang gui cu a i güt m’ghäm’ce u ne, ami katnak awn khähghah khai gui ang?

SAM 44:21

nang naw akcang ah na hmuk khai sü te, a i ah kyasei ci ung keimi naw düm ah kami ngaih cu nang naw na hmat ci.

JOB 31:6

Khanpughi naw ng’düng ciah nüt nak awn na nüt sä. Cun kawn ah kei, a i hawkcha ah changniah ka kyak cu ani naw hmuk k hai.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

MALAKHI 3:13

Bawipa naw, “Nangmi naw kei ah mawng cu akshe ah nami pyen ci, Cun ung phi nangmi naw, Nang ah mawng a i ang kami pyen?” nami cik ci.

DANIEL 5:27

Khiin, nang cu khiin nak ung ning khiin u sei ang htei ah na yaang aih ci;

DANIEL 4:37

“Tuhbäi kei, Nebukhadnezzar naw, khankho ghangpughang cu m’hlüngtai ne, m’tamkhah ne ka bämang sak ci nei. Ani ah abi phung cu düng ne taga ci nei. Chang ah ng’shei ne hnüntho ci gui cu ani naw ng’nein sak gui ci nei.”

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.

SAM 17:10

Ngami ung chimgein nak kä om sei, m’gäi ne ng’thu ci gui.

SAM 31:18

Hleeihlak ci gui, chang k’awm ci gui, chang kä hmu tuk ci gui, düng ciah chang, akshe ah pyen ci gui, a düm ah om u sä.

SAM 75:5

chang ah kä ami ng’shei ba vai ah ka m’thein gui khai,” cik ci.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

SUKI GUI 9:38

Cun kawn ah Zebula naw ani am, “Ak ghuih ah na ng’thu gui ca a hawi ang? Shin ah chang Abimelek ung a i ah kyasei mi ng’bi ang cik cicu nang ngah maw. Shin gui cu nang naw na gaih tu ah chang gui nei. Atuhbäi hteit ne tu gui ä” cik ci.

EZEKIEL 35:13

Nangmi naw m’ghämce ne, khäh ghah ne, kei na hnungtuk püi ne nami ng’thu cu kei naw ka ng’yak ci.”