1 SAMUEL 2:29 - Cho Bible Common Language 2016

²⁹ A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

1 SAMUEL 2:29 Referans Kwoze

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

LUKA 14:26

“Kei ah alaw tu pang ung phi, kei ana m’hni ah mä, anupa, achu hta, aphäi nau la amät m’hni pi ciah chang cu, kei ah ng’düihpüi ah kä kya hlawt khai.

JAMES 3:17

Cun ung phi Khankho ah kaa cüivai nak läi cu ak htük bäi ah theingcim netah dimdeeih nak, ng’awigi nak la khawtsheng nak gui cu dang sak ci. Cun cu chimgein nak awn kümbe ne, nikiom nak cu vuipai sak ci, m’khoi m’hnga nak kä om ci, thuvi nak kä om ci.

MATTHE 22:16

Ngami naw a ming khah püi gui la Herod ah pati chang gui cu, tüi gui u netah, Bawipa, nang naw akcang pyein ne chang ah hmawk ah Khanpughi ah ng’yak hlü cu nam theithang ci, chang gui ah m’lung ngaih cu kä nam tung ci, chang ah hmai phi kä na teng ci.

MIKHAH 3:5

Ka chang gui cu prophet gui naw m’hleei gui ci gui, petak gui ci am dimdeeih nak shaitak pek ci gui. Kä petak gui ci am ng’tuk nak awn m’kyih ci gui. Bawipa naw, cun ah prophet gui am,

HOSEA 4:8

Kei ah ka chang gui ah shetkat nak awn nangmi nami bühmang lawk ci. Cun ah kyasei nangmi naw nami shetkat law pi vai nami ng’ya hlük ci.

EZEKIEL 34:2

Ani naw pyen ci, “Hnicim chang, Israel gui ah uktu gui cu m’shukcha gui ä. Ngami ah khan ah ng’cängbang ne, kei, uktu Bawipa naw ngami ka pyen nak gui cu m’thein gui ä. Israel gui ah htomeshäm gui, nangmi nami ng’ziin ci nei! Nangmi nami mät naw nami mä m’htei htang u ne htome gui kä nami tengkhen ci.

JOSHUA 18:1

Ngami naw khaw tu ne ami khäm kawn ah Israel chang bum avan cu Shilon ung bum u neta, Bawipa ah om nak ah Phung co gi gui.

THULÄÄN NAK 33:9

Ngami naw ami pupa, phäi nau, hta nau gui ah ta, dämduh pi ciah bekhüt nak cu nang ung m’dang ci gui. Ngami naw nang thumkhän gui cu läk ci gui. Nang ah thukhän ung bekhüt ci gui.

TAIGÜTHUM 19:15

Amawng ama ng’thumcha nak ung düng nak la taga nak awn bi vai, dukhaih ci shedam nak, büh mang ci kyih aa nak ah kä a kyak en vai.

2 KORIN 5:16

Cun ah kyasei keimi naw chang ah m’hnüt nak awn, a u kä kami m’khoi cha ba ci. Yanä keimi naw, Bawi Khrih cu chang ah m’hnüt nak awn kami m’khoichaa man ung phi, tuhbäi cun ah kä kami kya ba ci.

ROMAN 16:18

Cun gui cu mi Bawipa Jesuh Khrit ah khuut bik ci gui ah kä kyak ci, a i ei ei ung bä khai ciah ngaih-tüh ne bik ci gui ah kyak ci. Ngami naw tuihlim ciah ng’thu la m’hlüngtai ah k’chiu awn ng’düng ciah chang gui cu m’hleeihlak ci gui nei.

EZEKIEL 13:19

Nangmi naw htang shum ät la m’hlut api name gah vai ah phäh ah ka Chang gui ah ma ah kei cu name na m’shuk chak ci. Nangmi naw kä si khin ciah Chang gui ngawn u ne, kä ghing khin ciah Chang gui nami m’ghin ci. Ka Chang gui am nangmi naw hleei ne m’thein gui uk ci sei, ngami naw ning yum ci gui.”

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.

SAM 26:8

O Bawipa, na om nak ah im la, na bämang nak ah hmun cu ka m’hni ci nei.

EZEKIEL 34:10

Kei, uktu Bawipa naw ka m’dang cu, kei cu nami na ga nei, kei naw ka htome cu nang ungka la ne ahei ah ka hteh püi khai, nang cu ngami ah htome shäm ah kä ka ning kyak ba sak phung khai. Nami mät naw nami mät nami m’htei vai ah kä ka ning kyak ba sak gui khai. Kei naw ka htome gui cu nangmi ungka ka gung gui khai, kä ka ning ei ba sak gui khai.

2 GHANGPUGHANG GUI 12:6

Cun ung phi Joash ah uknak akum m’ku lei thum güt ung taigü gui naw Taigüim a i phi kä pyang m’tham ci gui.