1 SAMUEL 2:27 - Cho Bible Common Language 2016

²⁷ Bawipa ung ka lawk ciah shin ah ng’thu awn prophet cu Eli ah lawk ci: “Nami pupa Aaron la akyong khui cu Egypt ghangpughang changshäm ah ami kyak ung, kei naw ka mät Aaron ung ka m’than ci.

1 SAMUEL 2:27 Referans Kwoze

1 GHANGPUGHANG GUI 13:1

Bawipa ah thumkhän nak awn Judah ah ka prophet tumat cu Bethela ah hteit ne sonkiang ung douthak khai ah Jeroboam ang düih yah ung gawk lawk ci.

SUKI GUI 13:6

Cun kawn ah hnumi naw a cei ah om nak ah hteit neta a pyen cu, “Khanpughi ah chang cu kei ah lawk ci, ani cu Khanpughi ah khanchang ah mäih ah kia ne kyih vai kya ci. Ani a hawi ka a law ah kei naw kä ka ng’shik ci, ani naw phi aming kä na m’thein ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

PHYAWN NAK 4:27

Cun sang ung Bawipa naw Aaron am, “Moses na hmuk khai ah bung ah hteit ä” cik ci. Cun ah kyasei ani hmuk khai ah khomhtung theing ah hteit ci, ani naw Moses cu hmu neta ng’ui ci.

2 PETER 1:21

A i ah kyasei ci ung, a i thu thuuk phi chang ah ng’yak hlü düt ah dang lawk ciah kä kyak ci, Mumcha Theing ah lamshäm nak awn vah chang gui naw, Khanpughi ah thuthuuk cu ami pyein ah kiak ci.

1 TIMOTHI 6:11

Nang läi cu Khanpughi ah chang ah na kyak ci kya ne, shin ah shekha gui avan na hlawi vai nei. Düngdau nak, yum thei nak, yumnak, m’hni nak, hnimgei nak, ng’awigii nak gui awn kümbe vai ah nak tha nak vai nei.

1 SAMUEL 9:4

Ngami naw Ephraim khaw gui la Shalishah khaw nawi pum ung hteit ne shui ci gui, cun ung phi kä hmu ba ci gui; cun ah kyasei Shaalim khaw nawi ah hteit ci gui, cun phi la gui kä om ci gui. Cun kawn ah Benjamin khaw hmun ung phi hteit ci gui, cun ung phi kä hmu ba ci gui.

SUKI GUI 6:8

Cun ah kyasei ani naw Bawipa Israel Khanpughi ung ka shin ah ng’thu law püi ciah prophet cu tüih law gui ci: “Kei naw Egypt khaw ah khleihtein ah nami kyaknak ung ka, ka ning law püi ba gui ci.

PHYAWN NAK 12:43

Bawipa naw Moses la Aaron am, “Shin gui cu phyawn nak pawi ah thungyo ah kyak ci: A khawhei chang naw phyawn nak ei cu kä a ei tu vai.

PHYAWN NAK 12:1

Bawipa naw Egypt khaw ah Moses la Aaron cu ng’thu püi goi ci;

1 SAMUEL 3:12

Cun ah hnüüp ung kei naw Eli ah kyongkhui hnu ng’tuk ne, m’kyih nak vai tün nak ungka naw ng’pyi nak ung khüt ci, avan ka law püi khai.

1 GHANGPUGHANG GUI 2:27

Cun kawn ah Solomon naw Abiatha cu Bawipa ah taigü ungka heeng ci, cun ah kya ne Shilon ungka taigü Eli la a hta ng’shon gui ah mawng Bawipa naw a pyen nak cu bä khai ah a bi ah kyak ci.

1 SAMUEL 9:6

Ak changshäm naw, “Om cang ä! Shin ah gawnu ung theingcim ciah chang, ami chang m’sui aih ah chang tumat om ci, a i ah kyasei ci ung ani ah a pyen päng cu hman ci. Ani ah ni hteit kaw, la gui a hawi hmuh ba hning vai cu ani naw na pyen tu goi hning hngaw khai nei” cik ci.