1 SAMUEL 2:25 - Cho Bible Common Language 2016

²⁵ Chang tumat naw a hei chang tumat hnu ng’tuk püi ne katnak abi ah a kyak ung, Khanpughi naw shungshet hning ci nei; cun ung phi Bawipa hnung’tuk püi ne katnak bik cicu a u naw shung shet hning khai aw? Ngami naw ami pa ah pyen cu kä ngai ci gui, Bawipa naw ngami ngawn gui vai ah k’bäi pyi ci.

1 SAMUEL 2:25 Referans Kwoze

HEBRU 10:26

Mikmi cu düng nak mi hmat kawn ah a guih ah mi cheishoh ba ah a kiak ung katnak küikyan nak vai a i kä om ba khai nei.

1 SAMUEL 3:14

Cun ah kyasei Eli ah kyong ung aktung ah ka m’dang cu, a i khawihnah nak, a i douthak nak naw phi, shin ah kyih vai ah katnak ah a phu cu kä heng hlawt khai,” cik ci.

JOSHUA 11:20

Bawipa naw ngami am Israel gui tuk nak vai ah khüighat nak pe gui ci. Cun ah kyasei ngami ami van m’di gui vai ah am kyuk gui ah kyak ci. Ami van kä m’gein gui neami ngawn gui ah kyak ci. Shin cu Bawipa naw Moses am a thumkhän ah kyak ci.

KHEI NAK 15:30

Cun ung phi a u chang phi bü ne katnak abi ah a kyak ung, ani cu ng’leimah Israel chang ah a kyak ung phi, khaw hei chang ah a kyak ung phi, ani cu Bawipa a i ah kä sui ne cheishoh ci kyasei, ani cu sih nak peik vai.

NG'THU K'THUUK~ 15:10

Nang cu cheishoh nak na bi ung akda vei m’kyuk nak na gah khai. Na mät naw na mät kä na m’shung düng ung nang cu na sik khai.

1 TIMOTHI 2:5

Khanpughi tumat bäng om ci, Khanpughi la chang ah ng’lak ung geilam pyang ciah, Bawi Khrih Jesuh phi tumat bäng ah kyak ci.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

2 SHONTÄP NAK 25:16

Amaziah naw ng’thu ba pah ne, “Keimi naw nang cu ghangpughang na m’cäi m’ä khai ah kami ning tha ne ang? Kä chiu ba ne om ä, kä cung ka ning ngawn lawk khai nei!” cik ci. Prophet naw shin ah pyen neta, kä chiu ba ne om ci. “Tuhbäi kei naw ka hmat ci, Khanpughi naw nang ning m’di khai ah k’bäi pyi ci, a i ah kyasei ci ung nang naw shin gui bi ne, kei ah m’cäi ä nak a i ah kä na ngaih ah phäh ah kyak ci.”

THULÄÄN NAK 1:17

Nami phukpit kaiyawih nak ung a u täng ah phi kä nami kyak vai. Chang päng cu täng khai nami ng’thumcha vai, a u kä nami m’khawm hnga vai. A u kä nami kyih vai, nami phukpit kaiyawih nak cu Khanpughi ungka lawk ciah nami bi ah kyak ci. Amawng tumat cu nangmi ah phäh ah a khak aih ah a kyak ung kei ah nami law püi vai, kei naw ka phupit kaihyawih khai.’

SAM 51:16

Ghu tha cu nang naw kä na ng’ya hlük ci, kä cun ung kei naw ka ning pek khai sü te; mei awn m’khih ne khawihnah phi kä na m’hni ci.

THULÄÄN NAK 2:30

Cun ung phi ghangpughang Sihon naw a khaw kä kaan tu sak gui ci. Bawipa nami Khanpughi naw liing sak ci, hnungtuk sak ci, cun ah kyasei ani cu hniim u ne, a khopäng kami lak ci, cun cu keimi naw kami khäm khai.

HEBRU 10:27

Mikmi naw m’khoichaa nak la Khanpughi hnungtuk püi ciah chang gui m’khih gui khai ah meiksam cu kyih en vüih vüih ne mi ngäng khai ah kyak ci nei.

JOB 9:33

Cun ung phi ka ning laat ung ng’düi khai a u kä om ci — a u naw kei la Khanpughi cu thu kä na m’chak khai.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

ATÜNNAK 38:7

Tama cu lak pek ci. Era cu a omshe ne m’thüi khäta Bawipa naw m’sih ci.

ATÜNNAK 38:10

Cun ah a bi cu Bawipa naw kä m’hni neta, ani cu m’sih ci.

1 GHANGPUGHANG GUI 8:31

“Chang tumat cu ak chang paw ah khan ah katnak bik ci, cine k’bün ne Taigüim na sonkiang ung law püi u khätah, ani cu chang ni ah a kyak ah mawng angtam law ung,

1 GHANGPUGHANG GUI 8:32

O Bawipa, Khankho ah ka naw ngai ne, na changshäm gui cu ng’thumcha gui ä. Katnak bik cicu akat ah mäih ah m’kyuk ne, changni cu phyawn sak ä.

2 SHONTÄP NAK 10:15

Shin cu Shilon ah ka prophet Ahijah ungka naw Nebat ah hta Jeroboam am a pyen nak ah Bawipa Khanpughi ah a ng’yak hlü ah kyak ci. Cun ah kyasei ghangpughang naw chang gui cu a i ah kä a tä gui ah kyak ci.

NG'THU K'THUUK~ 13:1

Cüvai ciah htapa naw apa ah m’shungdüng cu ngai thei ci. Cun ung phi a i kä tä ciah chang naw akat nak kä ng’kiaa hlawt ci.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;