1 SAMUEL 2:17 - Cho Bible Common Language 2016

¹⁷ Shin ah Eli ah hta gui ah hmakat nak cu Bawipa ah ma ah, ak ka pi k’bäih ah kyak ci, a i ah kyasei ci ung ngami naw Bawipa am douthak cu kä chang m’sui u ne, shicha bik ci gui.

1 SAMUEL 2:17 Referans Kwoze

MALAKHI 2:13

Shin ung ahei nami bi om ba ci, Nangmi naw Bawipa ah mang kyang cu ng’phlitui la thüikyah nak awn nami lin ci. Cun ah kyasei nami law püi ah pek tak cu ani naw kä dou ba ci.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

ATÜNNAK 6:11

Cun ung phi chang avan cu Khanpughi ah ma ah sheka yawp ci, khomdek khan avan cu cheishoh nak awn be ci.

MATTHE 18:7

Chang gui ah yum nak dimaih sak ciah a mawng ama gui om sei, chang gui ung thüi sei nak om ci. Zum nak dimaih sak cicu akcang ah om khai, cun ung phi yum nak dimaih sak ciah chang cu ang htei ah thüi sei nak om khai.

ISAIAH 3:8

Ä, Jerusalem cu mü ne hmüp ci nei! Judah cu kyu pyi ci nei! Ami pyen nü la ami bi nü naw Bawipa hnu ng’tuk püi ci nei; ngami naw Khanpughi amät cu m’lepse nak ci gui.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

2 GHANGPUGHANG GUI 21:6

Ani naw m’khih ne-douthak nak ah a htapa awn khawihnah ci. Ani naw cuun nak ce nak cu bilo ne, ng’cäbang ci la khoshe ah kai gui cu ng’shi k’thäh ci. Ani naw akdäm ah Bawipa cu hma ne hnungtuk püi ne, ani ah m’lung cu sheet sak ci.

ATÜNNAK 10:9

Bawipa ah bä nak awn ani cu akbä pi sakaap ah kyak ci. Cun ah kyasei chang gui naw, “Nimrod ah mäih ah akbä pi sakaap ah Bawipa naw ning pyang sä” cine pyen ci gui.

1 SAMUEL 2:16

Cun ah chang naw am hlan ba ung, “Hman cicu mi bi ne a thau cu mi m’khih ma khai; cun kawn ah na ng’yak hlü cu na lak vai,” taigüppa ah changshäm naw, “Ka! a tuhbäi na pe vä! Kä nami na pek ung, ka ning gut gui khai!”

1 SAMUEL 3:13

Kei naw ani am ka m’thein pyi ci, kei naw ani ah kyongkhui cu angtäi sei ka m’kyuk lawk khai. A i ah kyasei ci ung ani ah hta gui cu akshe ah ng’thu ne, kei na hnu ng’tuk püi ci gui. Eli naw cun ah ami bi cu hmat ci, cun ung phi kä m’cing gui hlawt ci.