1 SAMUEL 2:14 - Cho Bible Common Language 2016

¹⁴ ani naw cun ah koi phung yuk shun khäta, koi pyung ung kai lawk ci phung cu, taigüpa naw ka nak ci. Israel chang gui avan, Shilon ah law ne khawihnah douthak tuk ci gui phung cu, acun ah ami kyak nak gui ah kyak ci.

1 SAMUEL 2:14 Referans Kwoze

ISAIAH 56:11

Ngami cu sokang aih ne a phü kä ng’yak ciah ui gui awn täng ci gui. Shinah ng’vai gui ng hmuh hmat nak a i kä om ci. Ngami a chang sing naw ami mät ah m’hni bi u ne, ami mät ah hmawk bäng shui ci gui.

1 SAMUEL 2:29

A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

TAIGÜTHUM 7:34

Seime ah amakaw cu aktung m’cümhnah ah, akpat täng a khaw cu aktung pektak ah, Bawipa naw Israel chang gui ah la neta, taigü gui am pe gui ci. Shin cu Israel chang gui naw Taigü gui am lawk ciah akhin päng ung, ami pek vai ah kyak ci.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

1 SAMUEL 2:13

taigü gui naw chang ung ami bi vai ah ami thäh gui phi a i ah kä sui ci gui. Chang tumat naw a khawihnah nak a douthak yah ung, taigüpa ah changshäm cu thum ah pyawng ciah koi kawt ne lawk ci. Meh cu shon yah ung,

1 SAMUEL 2:15

Ang dawn ah, a hta cu law püi ne, mei ung kä m’khih pha ung, taigüpa ah changshäm cu law neta, khawihnah douthak ciah chang am, “Meh api na pe ä, taigüpa naw ang shai vai; ani naw shon ah meh cu na pek ung kä dou khai, meh ket va dou khai.”

MIKHAH 3:3

Ka chang gui cu nami ei gui ci. Ami vun nami lim ci, ami guh nami chawm ci, shon vai ah meh ah mäih ah nami m’sa gui ci.