1 SAMUEL 2:10 - Cho Bible Common Language 2016

¹⁰ Bawipa ah gaa gui cu dishum khai gui; Ani naw khan ah ka naw hmun kyeek awn hnu ng’tuk püi gui khai. Bawipa naw khaw ng’lei avan m’khoi chak khai; ani naw a ghangpughang huham pek khai, ani naw a ghü ah ghangpughang cu näng m’khüt sak khai.”

1 SAMUEL 2:10 Referans Kwoze

SAM 2:9

Nang naw ngami cu, m’si hteipawng awn uk gui ne; M’dek am gep ciah mäih ah na m’shet gui khai.”

SAM 89:24

Kei naw ani cu ka m’hni khai, ani ung ka bekhüt khai; kei naw ani cu angtäi sei ka näng sak khai.

SAM 96:13

Cun cu Bawipa law ne khomdek a uk law ung ah kyak khai nei. Ani naw hnicim chang gui cu düng nak la ni kyom nak awn uk khai nei.

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

SAM 98:9

A i ah kyasei ci ung ani cu khomdek ah khan ah lawk ci nei. Ani naw hnicim chang gui cu düng nak la nikiom nak awn uk khai nei.

SAM 20:6

A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

1 SAMUEL 7:10

Samuel naw khawihnah nak a douthak sang ung, Philistin gui naw tu gui khai gui ah ng’et lawk ci gui; cun ung phi, acun hta ng’lung ung khankho ah Bawipa ng’hmum kyeek ne hnu ng’tuk püi gui ci. Ngami cu ng’caw ng’thääh u ne, düngkyong ne dawng ci gui.

LUKA 19:27

Cun kawn ah kei ah uknak kä ng’ya hlük ciah kei ah gaa gui cu, kama ah lawpüi ne ngawn gui vä, cine pyein ci” cine m’thein gui ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

THUSHÄUTU 12:14

Mi bi nü nü, aka, m’zih ne bi gui avan cu Khanpughi naw m’khoichak khai nei.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

SAM 21:1

O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

LAMKTU 10:38

Nazaret chang Bawipa Jesuh ah khan ah Khanpughi naw Mumcha Theing la hlüng tai nak a peit ah mawng cu nami hmat pyi ci. Ani cu Khanpughi naw a täng ah om püi sei, hteit shüi shüi ne, khoshe ah ei auk gui ah chang gui m’gein gui ne gaigawng sak gui ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

MATTHE 25:34

Cun kawn ah ghangpughang naw akpat lam ah om ciah chang gui-am, ‘Law vä, Kapa ah phyutheh nak nami gah ciah chang gui, khomdek a tüi pyan ung tün ne nangmi ah hmawk ah a pyan ah uknak kho ung om vä.

ISAIAH 45:24

Ngami naw näng nak la thamah nak cu kei bäng ung hmuk ci gui ah pyen khai gui nei; Cun ung phi kei na gen ciah chang avan cu lü ng’aa nak awn yaica khai gui nei.

ISAIAH 32:1

Khohnüüp ät ung bekhe ne uk ciah ghangpughang la taga khai ah uk ciah pakhui chang vai gui dang lawk khai nei.

SAM 148:14

Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

SAM 28:8

Bawipa naw ak chang gui cu k’tha pe gui ne; a ghü ah ghangpughang cu khüighat sak ne hun ci.

JOB 40:9

Nang cu kei hlawk ah na gaigawng ne ma? Na k’aw cu kei ah k’aw hlawk ah ng’hngum ne ma?

2 SAMUEL 22:14

Cun kawn ah khawmik ung Bawipa cu hmum kyeek ci, Hlüngtai säih ciah Khanpughi ah k’aw cu ng’yak nei.

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

1 SAMUEL 12:18

Cun ah kyasei Samuel taigü ci, acun hnüüp ung Bawipa naw kho hmum la kho k’aa tüi lawk ci. Chang avan naw Samuel la Bawipa cu kyih ci gui.

1 SAMUEL 12:13

Tuhbäi shin ung nami ghü ah ghangpughang nei; nangmi naw nami thäh, tuhbäi Bawipa naw a ning pek gui nei.

1 SAMUEL 12:3

Shin ung ka om ci. Hma nak ka bi a om ah a kyak ung, Bawipa la ani ah ghü ghangpughang ma ah kei cu na chah vä. Kei naw chang ah sei, chang ah la, ka lak om man ne ang? Kei naw chang aka m’hteihlak ka yawshe nak om man ne ang? Chang tumat mat ah ng’mü khawh ka dou om man ne ang? Cun ah mäih gui ka bi a om ah a kyak ung, kei naw ka lak phung cu ka m’thung ba yawp khai nei.

ISAIAH 29:6

m’gäi ciah Bawipa naw ng’pheet ciah hmumkyeek la shihpi thüng awn ning gung gui khai nei. Ani naw puikhokhi la meikdäi ng’lam cu tüi lawk khai nei;

EZEKIEL 29:21

“Cun gui a kyak law ung, kei naw Israel gui cu thaghat sak gui ne, chang nü naw aning yak nak hning vai ung, nang Ezekiela cu ka ning thu sak khai nei, cun ah kyasei nangmi naw kei cu Bawipa ah ka kyak ciah nami na hmat khai nei.

1 SAMUEL 12:17

Shin cu kho cha ah kyak ci, kä kya ne ang? Cun ung phi kei ka taigü khai. Bawipa naw kho hmun la kho aa tüi lawk khai. Shin gui a kyak law ung, nangmi naw Bawipa hnu ng’tuk püi ne dämduh ciah katnak nami bi cu nami hmat ba khai.

SAM 20:7

Am shah cu ng’tuk mei awn ng’tau sei, amshah cu ng’se awn ng’tau ci, cun ung phi keimi cu kami Khanpughi Bawipa ah hlüngtai nak awn kami ng’tau ci.

SAM 89:25

Ani ah uknak kho cu Mediteranean tuinu ungka naw Euphratis tuinu ung khüt sei ka ng’shawng sak khai.

SAM 132:17

Shin ung David ah hta ng’shon ung ka, tumat cu ghangpughang mang ah ka k’hmoh khai; ka ghü ah ghangpughang ah uk nak cu ka pyan pek khai.