1 SAMUEL 2:1 - Cho Bible Common Language 2016

¹ Hannah taigü ci; “Bawipa naw ka m’lung cu yei nak awn be sak ci; Ani ah bi ah phäh ah ka yeikyai aih ci nei! Ka gaa gui cu ka gaih tu gui ci; Ka yei aih ci nei, Khanpughi naw na m’htei sei!

1 SAMUEL 2:1 Referans Kwoze

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

PHILIPPIAN 4:6

A i a mawng ama ung phi kä nami ng’ä ai vai, angtäi sei m’hlüngtai nak ah m’lung awn k’taigü u ne, nami ng’yak hlü gui cu Khanpughi ah nami ng’yoih vai.

SAM 92:10

Nang naw kei cu pyawng ah mäih ah na gai sak ne, yeikyai nak hriham na na pek ci.

SAM 89:17

Nang naw m’khüt nak akdäm na pe gui ci, na m’hni nak awn na na näng sak gui ci.

PHILIPPIAN 4:4

Nang mi cu Bawipa ung nami ghin nak awn yeikyai vä, ka pyein ba mä cu yeikyai vä!

SAM 20:5

Nang ah na näng ah hmawk ah keimi yei ne kami m’lau khai, mi Khanpughi m’hlüngtai ne, na m’khütnäng nak kami pawi khai. Na ng’zoih phung cu Bawipa naw ning pe sä.

SAM 9:14

Cun ung kei cu Jerusalem chang gui ah ma ah ng’düi ne, Nang ka ning zeinak ah mawng avan cu ngami am ka m’thein gui khai nei. Nang naw na na hun ah hmawk ah ka yei kyai khai nei.

SAM 35:9

Cun kawn ah Bawipa ah hmawk ah ka yei khai nei; Ana hun ah hmawk ah ka yei kiai khai nei.

PHILIPPIAN 3:3

Vun-ah nak bik ci gui ah chang cu ngami ah kä kyak ci, mikmi ah kyak ci. A i ah kya sei ci ung mikmi cu Mumcha awn Khanpughi cu mi khawihna u ne, Bawipa Jesuh Khrit awn mi kawng ät u ne, yeikyai nak mi gah ciah kyak ci. Mikmi cu a hei a i baw düt kä mi ngaih u ci.

ROMAN 5:11

Cun bäng ah kä kyak ciah Khanpughi naw mikmi cu, Bawi Khrit ung a teihpüi ah ana pyan gui pyi ah kya sei, yeikyai nak phi mi gah ci.

HABAKKUK 3:18

Kei cu ka yeikyai lä khai nei, a i ah kyasei ci ung Bawipa Khanpughi cu ka Hunbawi ah kyak ci.

SAM 118:14

Bawipa naw na huham mah sak ne, na k’thamah sak ci, Ani naw na hun ci.

SAM 89:24

Kei naw ani cu ka m’hni khai, ani ung ka bekhüt khai; kei naw ani cu angtäi sei ka näng sak khai.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

PHYAWN NAK 15:1

Moses la Israel gui naw shin ah ng’äi cu Bawipa am m’cu ci gui; Bawipa am ng’äi ka m’cu khai, a i ah kyasei ci ung ani naw bä ciah näng nak gah pyi ci. Ani naw ng’se gui la ng’se ng’cum ci gui cu tuinu ung shum gui ci.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

SAM 51:15

Bawipa, ka ng’thu thei vai ah na m’thei ä, ka ning m’taam khai nei.

SAM 18:2

Bawipa cu kei ah lung, kei ah vongpang, Kei ah Hunbawi, kei ah Khanpughi, ani cu kei ah phyawn nak ah kyak ci. Ani naw shawi ah mäih ah na shung ci; Ani naw nang vong ne nak phyawn ci.

HABAKKUK 3:1

Shin cu prophet Habakkuk ah taigü ah kyak ci.

SAM 75:10

Ani naw changshe gui ah huham cu cheiuh khai. Cun ung phi chang düng gui ah huham cu hlüngtai law pi khai nei.

SAM 71:8

A hnüüp pum ning m’taam ne, na bäimang nak cu ka ng’shäu ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

LUKA 1:69

Ak changshäm David ah hta ng’shon ung, hlüngtai ciah Hunbawi cu dang sak pyi ci nei.

NEHEMIAH 11:17

Mattaniah, Zabdi ah tu Mika ah hta, Asaph ah hta ng’shon. Ani naw Taigüim choir m’cu ne, taigü m’hlüngtai nak ung tängpang ci. Bakbukiah, ani cu Mathaniah thawi ne bii bik ci. Abda, Kalala ah tu Shammua ah tu, Jeduthun ah hta ng’shon.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

JOB 16:15

Kei cu sui akheei sui ne ka thüi kyap ci nei, Ka shung ciah kya ne m’vut ung ka ngok ci nei.

SAM 148:14

Ani naw a pakhui cu khüighat sak ci, Cun ah kyasei ak chang avan naw m’tam ci gui. Israel chang gui naw ani cu m’hni aih ci gui. Haleluyah!

1 SAMUEL 1:6

Peninnah, ani ng’längna püi ci naw, cümbawng sak ne, lü ng’a sak ci, a i ah kyasei ci ung Bawipa naw ani cu kä ah hta sak ah phäh ah kyak ci.

1 SAMUEL 1:7

Kum law ba kum law ba sei acun ah kyak ci; ngami Bawipa ah im ah ami hteh päng ung, Peninnah naw Hannah cu tüihtok ci, cun ah kyasei, ani cu kyap ne, ei noi ci.

2 SHONTÄP NAK 20:27

Jehoshaphat naw a gakap gui cu näng nak awn Jerusalem ah ng’hlah ba püi gui ci, a i ah kyasei ci ung ami ga gui cu Bawipa naw a hnim pyi ah phäh ah kyak ci.

SAM 21:2

Am lung ah ng’yak hlü cu nang naw na pek ci, Ak taigü phi na ngaih pek ci.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.