1 SAMUEL 19:5 - Cho Bible Common Language 2016

⁵ Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”

1 SAMUEL 19:5 Referans Kwoze

1 SHONTÄP NAK 11:14

Cun ah kyasei ani la a chang gui cu acun ah lo ah anglung ung ng’düi ne Philistin gui cu tuk ci gui. Bawipa naw ani am dämduh ciah näng nak cu pek ci.

1 SAMUEL 11:13

Cun ung phi Saul naw, “Tuhngawi hnüüp ung a u phi kä ngawn vai nei, tuhngawi cu Bawipa naw Israel gui a hun nak ah ka kyak ci nei.”

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

1 SAMUEL 20:32

Jonathan naw, “Ani a i ah kyasei a sih vai ang, Ani naw a i ang a bi” cik ci.

SUKI GUI 9:17

Nami shüm vai nei, kapa naw nangmi ah phäh ah ng’tuk bik ci. Ani naw a hnunggui pe ne Midianit gui ah kut tung ka ning hun gui ci.

LAMKTU 20:24

Kei cu ka hnun gui ah kä ka ng’vang ci, a nam hnüt peit ah bi la, Bawipa Jesuh ah na peit ah bi, pyi ne bi vai cu ak tung ah kia sei, Khanpughi ah m’gein nak mawng Thu Ni cu hteit shüi ne pyein vai bäng ah kya ci.

SAM 119:109

Kei cu angtäi sei ka ghin nak m’hlüng ge vai ah ka om ci nei; Na thukhän cu kä ka m’hnih phung ci nei.

1 SAMUEL 28:21

Hnumi cu a pei ah hteit ne, kyi aih sei hmu neta ani am, “Na bä ni saza aw, na na ng’shi ah mäih ah kei naw ka hnungui pe ne ka bi nei.

PHILIPPIAN 2:30

Ani naw Bawi Khrit ah khuut cu a sih awng ah k’tha nah ne bik ci nei. Cun cu nang mi naw kä nami peit hlawt ah bi cu kei am ana pei vai ah hmawk ah a bi ah kyak ci nei.

JOHAN 15:25

Cun cu ami thukhän ung “Ngami naw kei cu alä ah na gen ci gui” ciah om cicu a khüm nak vai ah kyak ci.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

JEREMIAH 26:15

Cun ung phi nami hmat vai cu, kei nami na ngawn ah a kyak ung, nangmi la shin ah mang gaw ung chang gui cu changni ngawn na phäh ah katnak gah khai gui, a i ah kyasei ci ung, shin ah thukhän ka ning pe gui khai ah kei cu Bawipa naw ana tüih law ah kyak ci.”

SAM 69:4

Amawng kä om ciah kei na gen ci gui cu, ka lumu ah ta, da pi ci nei. Ka gaa gui naw ami hleei pyen ne na ng’küük neet püi ci gui, ngami cu m’gäi u ne kei na ngawn hlük ci gui. Kei naw kä ka m’guk phi na m’thung sak ci gui.

1 SAMUEL 14:45

Cun ung phi chang gui naw Saul am, Jonathan, Israel gui ah phäh ah dämduh ciah näng nak gah ci cu, sih sak vai ma? Ka! Kei mi naw ghing ciah Bawipa ung shai kami tak ci nei, ani ah lu ung lumu ng’ma ät phih kä maih sak vai nei. Tuhngawi ani ah bi phung cu Khanpughi ah m’htei nak awn na kyak ci ne,” cik ci gui. Cun ah kya ne, chang gui naw Jonathan cu sih nak ung hun ci gui.

SUKI GUI 12:3

Nangmi kä nami hteit tuk khai ah hmu neta, kei naw ka hnun gui pe ne, khawgi khum ne ka tu gui ci, Bawipa naw ngami ah khan ah näng nak na pek ci. Cun ah kya lang sei, a i ah kyasei, tuhbäi, nangmi naw law ne, nami na tuk lawi ang?” cik ci.

HEBRU 2:3

küikyang ciah hun nak cu, a i ah kä mi sui ung, mikmi naw m’kat nak cu a i ah kya ne phi kä mi phiawn ah hlawt khai nei. Shin ah hun nak cu Bawipa a mät naw ang ng’shäu law ma ah kyak ci, ng’yak ciah chang gui naw cun cu akcang ah a kyak ah mawng keimi ah ma ah saksi ci gui.

PHYAWN NAK 14:13

Moses naw, “Kä kyih en vä. Khüi ne ng’düi vä! Tuh ngawi Bawipa naw ana hun nak gui ah bii a bi cu nami hmuk khai nei; shin ah Egypt chang gui cu kä nami hmu ba gui khai nei.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

1 SAMUEL 19:6

Saul cu Jonathan ah ng’thu awn a hnga päng khäta, David cu kä ka ngawn khai nei cine Bawipa ah ming ung thukhän bik ci.

1 SAMUEL 22:14

Ahimelek naw, “David cu nang ung bekhüt pi k’bäih ciah bawi ah kyak ci nei! Ani cu na kawi, nang ning ngäng ciah gabawi, mang im ung chang päng naw aktung ah ani chang m’sui ah kyak ci nei.

2 SAMUEL 23:10

cun ung phi ani cu khüi ne ng’düi ne, akhim kä chah ba hlawt khai ah a kutban a kha güt Philistin gui cu tu gui ci. Cu hnüüp ung Bawipa naw näng nak akdäm bik ci. Cun ang pyi kawn ah, Israel gui cu Eleazar ah om nak ah law ba u ne, sik ci gui ah awi k’bah gui cu lak ci gui.

SAM 94:21

Ngami naw changni cu huut ne hnu na u ne, akat nak kä om cicu m’sih ci gui nei.

1 SHONTÄP NAK 11:18

Mingthang ciah gakap thum naw Philistin gui ah phung cu ak gat ah kan u ne, tuishawk ungka tuithan u neta, David ah law püi ci gui cun ung phi ani naw cun cu kä awk ci, ani naw cun ah tui cu Bawipa am phyuh ne douthak neta,

SAM 109:5

Ngami naw akni cu akshe awn na thung u ne, m’hni nak cu gen nak awn sah ci gui.