1 SAMUEL 19:20 - Cho Bible Common Language 2016

²⁰ Cun ah kyasei ani phak khai chang gui tüi gui ci. Ngami naw Samuel ng’vai pi ciah prophet ng’bum cu ng’lam ne m’lau u sei hmuk ci gui. Cun ung Khanpughi ah mümcha naw Saul ah chang gui cu k’pang gui sei, ngami cu tün ne ng’lam ne, m’lau tuk ci gui.

1 SAMUEL 19:20 Referans Kwoze

JOHAN 7:32

Cun ah chang gui naw, Bawipa Jesuh ah mawng ami pyein cu ng’ya u netah, pharise gui la taigüpa gui naw, gakap gui cu tüi ne Bawipa Jesuh cu phaa sak gui ci gui.

JOEL 2:28

“Kei naw chang nü ah khan ah ka mümcha ka yuk chah law kawn ah; nami hta pami, hta hnumi gui naw ka ng’thu shäu khai gui; nami chang vai gui ami mang shen khai, nami chang nong gui muimang mah khai gui.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

1 SAMUEL 19:14

Saul ah chang gui naw David bik khai gui ah law u khätah, Michala naw ani gaw ci nei cik ci.

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

1 KORIN 14:3

Cun ung phi Khanpughi ah ng’thu ng’shäu ciah chang cun naw, chang gui ng’thu püi gui ne, m’hteihtang nak gui, m’shümthein nak gui, shungvong nak gui ah ng’thu pyein ci.

KHEI NAK 24:2

Israel chang gui naw pakhui phäh phäh ah shaum co ne ami om cu hmu gui ci. Khanpughi ah mümcha naw ani cu k’pang khäta,

1 SAMUEL 19:19

David cu Naioth, Ramah ah om ci ciah Saul am m’thein ba ci gui.

1 SAMUEL 19:21

Saul naw cun ah mawng cu ng’ya neta, chang akda pi tui ba gui ci, ngami phi ng’lam ne m’lau ne kya tuk ci gui. Ani naw a thum nak ah chang gui tüiba gui ci, ngami phi acun ah mäih ah kya tuk ci gui.