1 SAMUEL 19:10 - Cho Bible Common Language 2016

¹⁰ Saul naw David cu ak htei awn pang ung khän ne vawi khai ah tha nak ci, cun ung phi David ana ng’shawn sei k’htei cu k’pang ung ng’cai ci. David cu dawng ne phyawng ci.

1 SAMUEL 19:10 Referans Kwoze

1 SAMUEL 20:33

A cun ung, Saul naw Jonathan cu ngawn khai ah k’htei awn vawi ci, cun ah kyasei apa naw David ngawn vai ah ak bäi cu Jonathan naw hmat ci.

1 SAMUEL 18:11

“Pang ung m’khän ne ka hei vawi khai” ci nei Saul cu amät ng’htau neta, k’htei awn hnih vei vawi ci: cun ung phi David naw ana ng’shawn ghäm ghäm ci.

NG'THU K'THUUK~ 21:30

Chang ah cüivai nak hmuhmat nak, ngaih-tüh nak, Cun gui cu Bawipa naw a hnungtuk püi ung akholä ah kyak ci.

JOHAN 10:39

Cun ci khätah chang gui naw, Bawipa Jesuh cu phak khai gui ah tha nak ci gui, cun ung phi ani naw lek gui ne a hei ah hteit ci.

LUKA 4:30

Cun ung phi Bawipa Jesuh cu chang gui ah ng’lung ah lut ne, ahei lam ah hteit ei ci.

MATTHE 10:23

Pigaw tumat ung ami ning shedam nak gui ung, a hei pigaw ah nami dawng vai. Kei naw akcang ka pyein cu, Israel kho pigaw päng ung bilawh vai kä nami bi yawp pha ung, chang ah Htapa cu kyum lawk khai nei.

HOSEA 6:4

Cun ung phi Bawipa naw pyen ci, “Israel la Judah gui aw, nangmi ah khan ah a i ang kei naw ka bi kaw? Nangmi naw kei nami na m’hni nak cu khongawi hta ung khüi tui ang ghit ah amaih ah mäih ah, khongawi ung ang dawt ah maih ciah daam tui ah mäih ah kyak ci nei.

ISAIAH 54:17

Cun ung phi a i lik’htei naw phi nang cu kä ning nat sak khai; Nang ning bünphei ci phung cu nang naw na m’shang hlawt khai. Kei naw ka changshäm gui cu ka shungvong gui khai, näng nak ka pe gui khai.” Bawipa naw pyen püi ci.

SAM 124:7

Kha cuung ciah cuun ungka phyawng ciah kha ah mäih ah, mikmi cu mi phyawng ci nei. Cuun cu hnget sei, mikmi cu mi lawt ci nei!

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

SAM 18:17

Huham ah ciah gaa gui la kä m’khüt vai ah na gen ci gui ah kut ung ka, Ani naw na hun ci.

1 SAMUEL 19:6

Saul cu Jonathan ah ng’thu awn a hnga päng khäta, David cu kä ka ngawn khai nei cine Bawipa ah ming ung thukhän bik ci.

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

NG'THU K'THUUK~ 1:16

Ngami cu akshe bi vai ah kä ng’giin ci gui. Chang ngawn vai ah patyaang ci gui.

1 SAMUEL 18:10

A ngawi ung khaw ngawi Khanpughi ah tüih law ah mümcha she naw Saul cu ang ghit ah k’pang sei, a im kyong ah ak gu ah mäih ah gawmva ci. David cu ak hnüüp tä a tum man ah mäih ah tingtäng tum ci, Saul cu k’htei kawt ci.

SAM 37:32

Changshe naw changni cu ng’mün ne ngawn vai ah tha nak ci.