1 SAMUEL 18:9 - Cho Bible Common Language 2016

⁹ Cun ah kyasei ani cu, cu hnüüp ung tün ne David ah khan ah m’thüi ne kä ngaih gep lawk ci.

1 SAMUEL 18:9 Referans Kwoze

EPHESIAN 4:27

Khoshe-am akhin kä nami peit-en vai nei.

MAKUH 7:22

chang ah chu chang ah hta kat püi nak, ng’yak hlü aih nak, nget ngawng nak, hleei hlak nak, ng’yak hlü düt ah om nak, m’thüimkhang nak, chang ah ming m’shet nak, chang ah ng’shei nak, gu-ang nak, gui ah kyak ci.

MATTHE 20:15

Ka mät ah ngui cu ka mät ah m’hni ah kä ka mang vai maa! Kei ah kang khai-lang ah phäh ah nam thüi ci maa!’ cine kyak nak ci,” cine m’cäi gui ci.

ATÜNNAK 31:2

Laban naw phi ayan nä ah mäih ah kä a ng’khawt sheng püi ba cu Jakob naw hmuk ci.

JAMES 5:9

Ka phäinau gui aw, tumat la tumat shetkat nak kä nami ng’lon nen tu vai, cun ung Khanpughi naw kä ning m’khoichaa gui khai. Thu m’chak khai cu gawk law ne ng’düi law pyi ci nei.

1 SAMUEL 18:8

Saul naw cun cu kä hni ne, ak tä ah m’lung she ci. Ani naw, “Ngami naw David ah phäh ah phia gha ah a gha ah pyen ci gui, kei ah phäh ah phia gha bäng ah pyen ci gui. Ngami naw ani cu ghangpughang ah hmoh hlük ci gui nei.

1 SAMUEL 18:10

A ngawi ung khaw ngawi Khanpughi ah tüih law ah mümcha she naw Saul cu ang ghit ah k’pang sei, a im kyong ah ak gu ah mäih ah gawmva ci. David cu ak hnüüp tä a tum man ah mäih ah tingtäng tum ci, Saul cu k’htei kawt ci.

1 SAMUEL 19:1

Saul naw a hta Jonathan la a bawi gui ami van am David ngawn vai ah apawng ah mawng cu m’thein gui ci. Cun ung phi Jonathan naw David cu m’hni aih

NG'THU K'THUUK~ 27:4

M’lungshe nak cu nget ngawng nak la dishum nak ah kyak ci, Cun ung phi m’thüikhang nak cu cun ah ta sheka pi ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.