1 SAMUEL 18:8 - Cho Bible Common Language 2016

⁸ Saul naw cun cu kä hni ne, ak tä ah m’lung she ci. Ani naw, “Ngami naw David ah phäh ah phia gha ah a gha ah pyen ci gui, kei ah phäh ah phia gha bäng ah pyen ci gui. Ngami naw ani cu ghangpughang ah hmoh hlük ci gui nei.

1 SAMUEL 18:8 Referans Kwoze

1 SAMUEL 15:28

Samuela naw ani am, “Tuhngawi nang ung ka Israel uknak kho cu Bawipa naw heng pyi ci nei, nang ah bä pi ciah chang am pe pyi ci nei.

NG'THU K'THUUK~ 13:10

Chang shedam nak ci naw a i kä gah ci, cun ung phi yaica ci. Chang ah m’cäi ngai cicu cüivai pi ci.

JAMES 4:5

“Khanpughi naw mikmi ah kyong ah a thunthan ah mümcha cu, kyihkyawk vai ah ng’yak nak hlü awn be ci nei,” ciah cacim ung om cicu kä bä khai ah kä nami ngaih en vai nei.

ESTA 3:5

Mordekai naw ani ah ma ah kä ka m’kukdong khai, kä ka kawp khai a ci cu, Haman naw ng’ya neta ang htei ah m’lungshe ci.

1 SAMUEL 20:31

Nang naw kä na hmat ci ma, David a ghin ah chuih nang cu shin ah khaw ah ghangpughang ah kä na kya hlawt khai? Tuhbäi hteit ne, shin ung law püi ä ani cu sik khai!”

NG'THU K'THUUK~ 27:4

M’lungshe nak cu nget ngawng nak la dishum nak ah kyak ci, Cun ung phi m’thüikhang nak cu cun ah ta sheka pi ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

1 GHANGPUGHANG GUI 2:22

Ghangpughang naw, “A i ah kyasei Abishag cu ani am ka pek vai ah kei na nak thäh ang? Kei naw mangkiang mä ani am ka pek vai ah na nak thäh khai ang! Cun kawn ah ani cu ka phäi ng’vai ah kyak ci, taigü Abiatha la Joab cu ani täng ah kyak ci goi!”

1 SAMUEL 16:13

Samuela naw olive-situi cu la neta, David cu aphäi gui ah ma ung phyuh theh ci. Ang ghit ah Bawipa ah mümcha naw David cu k’pang ci, cu hnüüp ung tüi ne ani cu om püi ci. Cun kawn ah Samuel cu Ramah ah hteit ba ci.

1 SAMUEL 13:14

Cun ung phi tuhbäi nang ah uknak cu kä ng’täi khai. A i ah kyasei ci ung nang naw ani kä na ngai ci. Bawipa naw ang yak hlü ah chang cu shui khai, cun kawn ah ak chang gui uktu ah pyang khai” cik ci.

KHEI NAK 22:34

Balaam naw m’shang ne, “Kei ka hma ci nei, nang naw kei na hnungtuk püi ne lam ung na düih cu kei naw kä ka hmat ci nei. Cun ung phi tuhbäi ka hteh cu nang naw hma ciah na ngaih ah a kyak ung kei ka im ah ka ng’hlat ba khai nei” cik ci.

KHEI NAK 11:1

Chang gui naw ami yaica nak ah mawng pyen ne Bawipa ah ma ah chiu m’da ci gui. Cun cu Bawipa naw ng’ya neta, m’lungshe ne, chang gui ah khan ah mei yuk chah lawk ci. Cun ah mei naw ui gui ne, shaum pigaw ah vangtäng a mawng cu m’di ci.

1 SAMUEL 18:9

Cun ah kyasei ani cu, cu hnüüp ung tün ne David ah khan ah m’thüi ne kä ngaih gep lawk ci.

1 SAMUEL 19:1

Saul naw a hta Jonathan la a bawi gui ami van am David ngawn vai ah apawng ah mawng cu m’thein gui ci. Cun ung phi Jonathan naw David cu m’hni aih

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

ATÜNNAK 37:11

A phäi gui ami van naw m’thüi nak ci gui. Cun ung phi apa naw cun cu m’hnüt ci.