1 SAMUEL 18:6 - Cho Bible Common Language 2016

⁶ David naw Koliath ngawn neta law ba sei, gakap gui phi ami im ah law ba ci gui, Israel khaw gawnu päng ung ka hnumi gui cu law ne ghangpughang Saul hmu lawk ci gui. Ngami cu yeikyai ne ng’äi m’cu u ne, ng’lam u ne, htung, sheei gui tum ci gui.

1 SAMUEL 18:6 Referans Kwoze

SUKI GUI 11:34

Jephthah cu Mizpah a im ah law ba khäta, ahtahnumi cu ani hmu lawk khai ah thing tum ne ng’lam ne lawk ci. Ani cu a hta tumat bang ah kyak ci.

PHYAWN NAK 15:20

Prophet Miriam, Aaron ah be naw hting sheei tum ne ma sei, hnumi gui ami van naw hting sheei tum ne ng’lam ne läk ci gui.

SAM 68:25

Ng’äi m’cu ci gui ma ci gui, hting k’bei tum ci gui hnu ci gui, ang lung ung k’htung bum ciah hnumi hta gui hteit ci gui.

PHYAWN NAK 15:21

Ngami ah hmawk ah Miriam ah ng’äi cu; Bawipa ah ng’äi m’cu vä, ani naw bä ciah näng nak gah pyi ci nei; Ani naw ng’se gui la ng’cum ci gui cu tuinu ung shum gui ci nei” cik ci.

1 SAMUEL 18:5

David cu Saul naw ng’tuk khai ah a tüih nak päng a van ung näng nak gah ci, cun ah kyasei Saul naw gabawi ah tha ci. Cun naw Saul ah bawi gui la achang avan cu yei sak gui ci.

2 SAMUEL 1:20

Shin ah mawng cu Kath khaw ung la, Ashkelon lam gui ung Kä nami shäu vai. Philistin hnumi gui yei khai ah kä nami bi vai; Khaw ng’yo ah hta hnumi gui kä nami yei sak gui vai.

2 SAMUEL 6:5

David la Israel chang van cu aktung ah ng’lam ne ng’äi ne Bawipa cu m’tamkhah ci gui. Ngami cu tingtäng, mawng cha, k’hting, k’phyung heng, ng’sheei gui cu tum ci gui.

SAM 68:11

Bawipa naw thukhän pe gui sei hnumi akda naw thuni hteh püi ci gui:

SAM 149:3

Ng’laam ne ang ming cu m’tam vä; k’hting la k’bei tum ne Bawipa cu m’tam vä.

ISAIAH 30:32

Bawipa naw ngami cu leng ba ba ne a thah gui yah ung, ani ah achang gui cu tingtäng htikbei tum ne akhin pyi sak khai gui. Khanpughi amät naw Assirian gui cu ng’tuk püi gui khai.