1 SAMUEL 18:5 - Cho Bible Common Language 2016

⁵ David cu Saul naw ng’tuk khai ah a tüih nak päng a van ung näng nak gah ci, cun ah kyasei Saul naw gabawi ah tha ci. Cun naw Saul ah bawi gui la achang avan cu yei sak gui ci.

1 SAMUEL 18:5 Referans Kwoze

1 SAMUEL 18:30

Philistin gakap gui naw law ne tu lawk ci gui, cun ung phi ami ng’tuk nak päng ung Saul ah bawi gui ah ta David cu näng pi ci. Ak hnu ah David cu ang htei ah mingthang lawk ci.

KOLOSE 4:5

Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.

EPHESIAN 5:17

Cun ah kyasei ak gu k’aang ah kä nami om men vai, Bawipa naw nami bi vai ang yak hlü cu k’tha nah ne nami shui vai nei.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

SAM 1:3

Cun ah chang cu tui kem ah ghing ciah sing ah mäih ah, a m’theih khin ung m’theih ne, a hnah kä ng’yai phung ciah sing ghing ah mäih ah kyak ci. A bi nak phung ung m’khüt näng nak om ci.

1 SAMUEL 13:2

Saul naw chang phia thum kip ghü ci, phia m’ku cu amät ah om nak, Bethela kho gui, Macmash ah om püi gui ne, phia gha cu Benjamin pakhui ah om nak Gibeah ah a hta Jonathan awn a täng ah om sak gui ci. Ak pawih ba gui cu Saul naw ami im ah tüi ba gui ci.

ATÜNNAK 39:23

Thawng bawi naw a i a bi ba vai kä hlü khai ah Joseph naw bik ci. Joseph cu Bawipa naw m’htei sei a bi nak päng ung m’khüt näng nak om ci.

1 SAMUEL 14:52

Philistin gui cu Saul naw a ghin ah chuih akgat ah a tuk gui vai ah kyak ci. Cun ah kyasei a i yah ung phi, ani naw gai ne, m’gäi ciah pami a hmuh phung cu, a gakap ung luh sak ci.

1 SAMUEL 18:4

Ani naw amät ah suinu cu sut neta, David am pek ci, a shawiphaw ni, akhim ni, ali ni, a khei pat ni phi pek ci.

1 SAMUEL 18:6

David naw Koliath ngawn neta law ba sei, gakap gui phi ami im ah law ba ci gui, Israel khaw gawnu päng ung ka hnumi gui cu law ne ghangpughang Saul hmu lawk ci gui. Ngami cu yeikyai ne ng’äi m’cu u ne, ng’lam u ne, htung, sheei gui tum ci gui.

1 SAMUEL 18:16

Cun ung phi Israel la Judah ung chang päng naw David cu m’hni ci gui, a i ah kyasei ci ung ani cu näng ciah lam ma ciah kyak ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

2 SHONTÄP NAK 17:3

Bawipa naw Jehoshaphat cu hriham pek ci, a i ah kyasei ci ung ani naw apa ah ak htük ah ghin om man ah lam cu läk ci, Baala kä khawihnah ci.