1 SAMUEL 18:30 - Cho Bible Common Language 2016

³⁰ Philistin gakap gui naw law ne tu lawk ci gui, cun ung phi ami ng’tuk nak päng ung Saul ah bawi gui ah ta David cu näng pi ci. Ak hnu ah David cu ang htei ah mingthang lawk ci.

1 SAMUEL 18:30 Referans Kwoze

2 SAMUEL 11:1

Khaw kum ung khaw cing khaw a gawk law ung ghangpughang gui cu ng’tuk nak ah hteit ci gui, cun ah kyasei David naw Joab la a bawi gui la Israel gakap gui cu tüi gui ci; ngami naw Ammonit gui cu tu hnim u ne, Rabbah mang gaw cu khaai ci gui. Cun ung phi David amät cu Jerusalem ah om ci.

1 SAMUEL 18:5

David cu Saul naw ng’tuk khai ah a tüih nak päng a van ung näng nak gah ci, cun ah kyasei Saul naw gabawi ah tha ci. Cun naw Saul ah bawi gui la achang avan cu yei sak gui ci.

1 PETER 2:7

Cun ah k’toulung cu nami yum ci gui ah phäh ah, ak küikyang ah kyak ci, kä yum ciah chang phäh ah; “Lung im co ci naw a ghawh ah lung cu, Ak küikyang pi ah k’toulung ah kya lawk ci.”

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

EPHESIAN 5:15

Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

DANIEL 1:20

Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

SAM 119:99

Na m’shümthein gui avan ka ngaih nak ah hmawk ah, kei cu ka saya gui van ah ta, ka hmuhmat law pi ci.

SAM 116:15

A chang tumat a sih cu Bawipa ah hmawk ah m’neh aih vai ah kyak ci nei!

2 GHANGPUGHANG GUI 1:13

Cun kawn ah ghangpughang naw bawi tumat la chang hma kip cu tüi law ba mä ci. Ani cu m’htung ah hang kai ne, Elijah ah ma ah m’khuukdawng neta ng’paa na ne a pyen cu, “Khanpughi ah chang aw, kei la ka chang gui cu na chimgein gui ä, kami hnun nak phyawn gui ä!”

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

1 SAMUEL 2:30

Kei cu Israel gui ah Bawipa Khanpughi, na kyongkhui la na pakhui naw angtäi sei taigüpa ah kya ne, bi ami bi vai ah cau kei naw shai ka tak ci nei. Cun ung phi tuhbäi ka pyen cu kei ung cun kä om ba ci! Acun nak vai sü ung, Na m’tam cicu ka m’tam ba khai, na päipih cicu kam shemshai khai.

1 SAMUEL 18:29

naw phi m’hni ci, cun ah kyasei ani naw David cu kyih law pi k’täi ci, amät cu a ghin ah chuih David ah ga ah kyak ci.

1 SAMUEL 26:24

Tuh ngawi kei naw nang ah hnun ka ning phyawn ah mäih ah, Bawipa naw ka khan ah bi sä, khüikha nak avan ung na phyawn sak sä!” cik ci.

1 SAMUEL 19:8

Philistin gui awn ng’tuk nak om law ba mä ci. David naw tu gui ne, hnim gui ci, ngami cu püipiang ci gui.

2 SAMUEL 7:9

Kei naw na hteh nak phung ah ka ning om püi ci, na ma ah na ga gui avan kei naw ka hnim ci, kei naw nang cu khomdek khan ung däm pi ciah ng’vai gui ah mäih ah ng’mingthang khai ah ka ning pyang khai.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.