1 SAMUEL 18:27 - Cho Bible Common Language 2016

²⁷ David la ak chang gui hteit u ne, Philistin chang phia goi ngawn ci gui. Ani naw Philistin gui ah vun ah gui cu ghangpughang ah law püi neta, avan khei ne ap ci, cun ah kyasei ani cu a kawi ah kya lawk khai kyak ci. Cun ah kyasei Saul naw a hta hnumi Michala cu David naw a chu nak vai ah pek ci.

1 SAMUEL 18:27 Referans Kwoze

2 SAMUEL 3:14

David naw phi Ishbosheth ah ng’shä tüi ci, “Ka chu Michala cu na na pek ba vai. Kei naw Philistin chang phia ah vun nawn khleih ne ka chu nak nei,” cine pyen ci.

1 SAMUEL 18:13

Cun ah kyasei Saul naw ani cu a hei ah hteh sak ne, chang phia gha ah bawi ah kyak sak ci. David naw ak chang gui cu ng’tuk nak ah hteh püi gui

SUKI GUI 14:19

Ang ghit ah Bawipa ah huham naw ani cu k’thamah sak khäta, ani cu Ashkelon ah yu kyum neta chang thum kip ngawn ne, ami sui k’ni gui sut ne, thuzi hmat hning ci chang gui am pe gui ci. Cun kawn ah ani cu, a im ah hteit ba ci, acun ah phäh ah m’lungshe ci,

1 SAMUEL 14:49

Saul ah hta gui cu Jonathan, Ishvi, Makhishua, A hta hnumi ang vai ba ah ming cu Michala ah kyak ci.

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

1 SAMUEL 18:28

Bawipa naw David a täng ah om püi ci, cicu Saul naw ng’htei cha sei hmat ci, a hta hnumi Michala

1 SAMUEL 25:44

Cun yah ung Saul naw, David ah chu te a hta hnumi Michala cu Laish ah hta Paltian chu na sak ci, cun cu Kallim gawnu ung ka ah kyak ci.

2 SAMUEL 3:13

David naw, “Bä khai, kei naw nang awn mawng ät awn ngünkyük nak ak bik khai: nang naw kei ah na law ah a kyak ung Saul ah hta hnumi Michala cu na law püi vai.”