1 SAMUEL 18:25 - Cho Bible Common Language 2016

²⁵ cun kawn ah Saul naw David am ami m’thein ba vai ah ak bäi ba gui cu, “Nang naw na pek vai ah m’cümhnah nak ghangpughang naw ang yak hlü avan cu, Philistin changsi phia ah yang m’dawng gui ah kyak ci, cun cu a ga gui ung phu a tuknak ah kyak ci.” (Cun cu Philistin gui naw David ami ngawn vai ah Saul naw abi ah kyak ci.)

1 SAMUEL 18:25 Referans Kwoze

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

1 SAMUEL 14:24

Cu hnüüp ung Israel gui cu cawi u ne ami k’tha ken ci, a i ah kyasei ci ung Saul naw ak thukau ah taam ne ak bäi gui cu, “Ka ga gui ah khan ah phu kä ka tuk pha ah chuih tuhngawi a u naw ei kä a ei vai, ei cicu kyuk khai” cik ci. Cun ah kyasei cu hnüüp a u naw ei kä ei ci.

ATÜNNAK 34:12

Nami ng’yak hlü na m’thein vä, maan phi nami pyen ah ka ng’lo khai nei. Nami hta hnumi awn nami na ng’pui khah sak ah khoi ung a i phi nami pyen päng ka ning pe gui khai nei” cine pyen ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

JOSHUA 5:3

Joshua naw Bawipa ah thumkhän ah mäih ah bik ci. Ani naw Israel gui cu vun-ah nak pe gui ci, cun ah hmun cu vun-ah m’htung ah pyen ci gui.

ATÜNNAK 29:18

Jakob naw Rachelah cu m’hni neta, Laban am, “Rachela na na chu nak sak vai ung nang ah bi cu khaw kum chih ung ka bik khai nei” cik ci.

1 SAMUEL 18:24

Bawi gui naw David ah pyen cu Saul am m’thein ba ci gui,

2 SAMUEL 3:14

David naw phi Ishbosheth ah ng’shä tüi ci, “Ka chu Michala cu na na pek ba vai. Kei naw Philistin chang phia ah vun nawn khleih ne ka chu nak nei,” cine pyen ci.

1 SAMUEL 19:1

Saul naw a hta Jonathan la a bawi gui ami van am David ngawn vai ah apawng ah mawng cu m’thein gui ci. Cun ung phi Jonathan naw David cu m’hni aih