1 SAMUEL 18:23 - Cho Bible Common Language 2016

²³ Cun ah kyasei ngami naw acun ah David am m’thein ci gui, David naw, “Ghangpughang ah a kawi ah kyak vai cu dämduh ciah m’taam nak ah kyak ci nei, dukhaih ne pyamtham ciah kei ah mäih ah phäh ah dämduh aih ci nei” cik ci.

1 SAMUEL 18:23 Referans Kwoze

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

NG'THU K'THUUK~ 14:20

Dukhaih cicu a u naw ka m’hni ci, a im ng’phei naw phi ka m’hni ci, Cun ung phi buhmang cicu a teihpüii da ci.

SAM 119:141

Kei cu kä changtuung, ami na päipih, cun ung phi nang ah m’theithang cu kä ka nawng ci.

1 SAMUEL 9:21

Saul naw, “Kei cu Benjamin pakhui ah ka kyak ci, Israel pakhui ung ak yaw pi k’bäih ah kyak ci, kei ah kyong khui cu pakhui ung kä küikyang pi k’bäih ciah kyak ci, a i ah kyasei shin ah mäih ah na na ng’htau püi ang?” cik ci.

ATÜNNAK 29:20

Jakob cu Rachelah a gah vai ah kum chih ung ng’hlawh ne bik ci. Cun ung phi Rachelah cu m’hni ci kya neta hnüüp api hta ah ngai ci.

ATÜNNAK 34:12

Nami ng’yak hlü na m’thein vä, maan phi nami pyen ah ka ng’lo khai nei. Nami hta hnumi awn nami na ng’pui khah sak ah khoi ung a i phi nami pyen päng ka ning pe gui khai nei” cine pyen ci.

1 SAMUEL 18:18

David naw, “Kei cu a u ah kya ngä sei, ka kyong khui cu a i ah kyasei, kei cu ghangpughang ah kawi ah ka kyak vai ang?” cik ci.

1 SAMUEL 18:22

Ani naw a bawi gui am amät David a düm ah ami ng’htau püi vai ah pyen na gui ne, am cäi gui cu, “Ghangpughang naw ning yei nak ci, ani ah bawi gui avan naw ning m’hni ci gui; tuhbäi cu a hta nak chu nak vai akhin aknipi bäih ah kyak ci.”

1 SAMUEL 18:24

Bawi gui naw David ah pyen cu Saul am m’thein ba ci gui,

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.