1 SAMUEL 18:21 - Cho Bible Common Language 2016

²¹ Ani amät ng’htau ci, “Kei naw Michala cu David am ka pek khai; ka hta hnumi cu ani pha nak vai ah ka mang khai, cun ung ani cu Philistin gui naw ngawn khai gui.” Cun ah kyasei Saul naw a hnih vei nak ah David am, “Nang cu ka kawi ah na kyak khai” cik ci.

1 SAMUEL 18:21 Referans Kwoze

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

JEREMIAH 9:8

Ngami ah m’lei cu sih nak ah m’la ah mäih ah kyak ci; akphlüt ah a hleei pyen ci. Chang päng naw a impei longgi awn ng’khawt nak ng’thu pyen ci. Cun ung phi cun cu ani ah phäh ah m’hling bang ah kyak ci.

1 SAMUEL 18:26

Saul ah bawi gui naw Saul naw a pyen nak gui cu David am m’thein ci gui. David cu ghangpughang ah kawi ah a kyak law vai ngai ne yei ci. Ng’chu la nak kä ami bi pha ung,

PHYAWN NAK 10:7

A bawi gui naw ghangpughang am, “Shin ah chang naw a i güt khüikha nak na pe gui khai ang? Israel chang gui hteh sak gui ä, cun ung ngami naw Bawipa ami Khanpughi cu khawihnah hning khai gui nei. Egypt khaw adi law cu kä na hmat ci ma?” cik ci gui.

JEREMIAH 5:26

“Ka chang gui ah ng’lung ah akshe bik ci gui phi ng’caw tuk ci gui, kha pha nak vai ah ng’vai kiung ciah ah mäih ah ngami naw ng’zän ne ngäng ci gui, cun ung phi ngami ah ami cuun cu chang pha nak vai ah kyak ci.”

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

SAM 38:12

Kei na ngawn hlük ci gui naw cun cuung ne na mah u ne; Na m’kat hlük ci gui cu akshe ah pawng ci gui nei. Ngami naw kä ng’düm phung ne kei cu na hnu ng’tuk püi ci gui.

1 SAMUEL 18:22

Ani naw a bawi gui am amät David a düm ah ami ng’htau püi vai ah pyen na gui ne, am cäi gui cu, “Ghangpughang naw ning yei nak ci, ani ah bawi gui avan naw ning m’hni ci gui; tuhbäi cu a hta nak chu nak vai akhin aknipi bäih ah kyak ci.”