1 SAMUEL 18:17 - Cho Bible Common Language 2016

¹⁷ Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

1 SAMUEL 18:17 Referans Kwoze

1 SAMUEL 25:28

Saza, na bä ni, na m’geinsei ä, hma nak ka bi phung cu. Bawipa naw ghangpughang ah ning hmoh khai, na hta ng’shon gui phi a cun ah kyak khai, a i ah kyasei ci ung, nang cu ani ah phäh ah ng’tuk na bik ci; nang cu na ghin ah chuih akshe kä na bik ci.

1 SAMUEL 18:25

cun kawn ah Saul naw David am ami m’thein ba vai ah ak bäi ba gui cu, “Nang naw na pek vai ah m’cümhnah nak ghangpughang naw ang yak hlü avan cu, Philistin changsi phia ah yang m’dawng gui ah kyak ci, cun cu a ga gui ung phu a tuknak ah kyak ci.” (Cun cu Philistin gui naw David ami ngawn vai ah Saul naw abi ah kyak ci.)

1 SAMUEL 17:25

“Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.

1 SAMUEL 18:21

Ani amät ng’htau ci, “Kei naw Michala cu David am ka pek khai; ka hta hnumi cu ani pha nak vai ah ka mang khai, cun ung ani cu Philistin gui naw ngawn khai gui.” Cun ah kyasei Saul naw a hnih vei nak ah David am, “Nang cu ka kawi ah na kyak khai” cik ci.

1 SAMUEL 17:47

shin ung om ciah chang gui phung naw, Bawipa naw ak chang gui a hun nak gui vai ah khim la htei kä hlü ci, cicu hmuk khai gui nei. Ani cu ng’tuk nak ung näng nak ah huham kyong ung ning tha gui khai nei” cik ci.

SAM 55:21

Ani ah ang thu cu suuktui ah hnip pi ci, cun ung phi am lung kyong ah thüi nak om ci; Ani ah angthu cu situi mäih ah a dän ung phi, chim ah mäih ah ghat ci.

SAM 12:2

Chang gui cu tumat naw tumat m’hleei sei; Ami thu a hei, ami ngaih a hei ah kyak ci gui nei.

2 SAMUEL 12:9

A i ah kyasei kei ah thumkhän kä na läk ang? A i ah kyasei shin ah akshe na bi ang? Nang naw Uriah cu ng’tuk nak ung na ngawn ci; Ammonit gui am na ngawn sak gui ci, cun kawn ah ak chu nak chu nak ci!

2 SAMUEL 11:15

Cun ah ca ung, “Uriah cu aktung ah ng’tuk nak pi k’bäih ung hma ne na tüih vai, cun kawn ah gakap gui na ng’hlah sak gui vai, ani ami ngawn vai ah na bi vai” ciah guk ci.

THULÄÄN NAK 17:7

Saksi gui naw lung awn ami vawih law ma vai, cun kawn ah k’pawih ciah chang gui naw lung awn ami vawih tu vai. A shikcha ah nangmi naw akshe cu nami nawt heng vai.

KHEI NAK 32:29

“Kad la Reuben chang gui naw Jordan tuinu hei kat ne, ng’tuk gei vai ah Bawipa ah thumkhän ka ung ami pawng law ung, ngami ah bawm nak awn nangmi naw cun ah khaw cu nami khäm khai, cun kawn ah Kilead khaw cu ngami ah ka vai ah nami pek gui vai.

KHEI NAK 32:27

Cun ung phi mikmi mi van cu Bawipa ah thumkhän ka ung ng’tuk bi vai ah mi hteit ge khai. Mikmi cu Jordan tuinu hei kat neta, na pyen ah mäih ah ng’tuk mi bik khai nei” cik ci gui.

KHEI NAK 32:20

Moses naw, “Nami pyen cu akcang nami pyen ah a kyak ung, shin ung Bawipa ah om nak ung ng’tuk ge vai ah nami pawng vai nei.

KHEI NAK 21:14

Cun cu Bawipa ah ng’tuk bi nak, ciah ca-uk ung “... Suphah khaw ung Waheb gawnu, la khaw ng’nawi gui, Arnon Tuinu,

1 SAMUEL 14:49

Saul ah hta gui cu Jonathan, Ishvi, Makhishua, A hta hnumi ang vai ba ah ming cu Michala ah kyak ci.

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 18:27

David la ak chang gui hteit u ne, Philistin chang phia goi ngawn ci gui. Ani naw Philistin gui ah vun ah gui cu ghangpughang ah law püi neta, avan khei ne ap ci, cun ah kyasei ani cu a kawi ah kya lawk khai kyak ci. Cun ah kyasei Saul naw a hta hnumi Michala cu David naw a chu nak vai ah pek ci.

1 SAMUEL 30:26

David cu Ziklak ah gawk law ba neta, ani naw khawh amshah cu a teih püi gui, Judah ng’vai gui am m’khäh gui ci, thu phi m’shäk gui ci, “Shin cu Bawipa ah ga gui ah ka, kami gah, nangmi ah phäh ah letsawng nei.”

2 SAMUEL 6:16

Thukhän M’küm cu mang gaw kyong ah law püi u sei, Michala, Saul ah hta hnumi naw m’kawt ung yuk teng ne, Ghangpughang David cu theing ciah ng’lam ah ng’lam ne yong ne ng’phiui sei hmu neta, ani cu päipih ci.

NG'THU K'THUUK~ 26:24

Thuvi ciah chang naw a thüi nak cu kä düng ciah ng’thu ah hnu ah ng’thup ci.

NG'THU K'THUUK~ 26:25

Cun cu däm khai, cun ung phi kä nami yum vai, ai ah kyasei ci ung ani ah m’lung cu thüigen nak awn be ci.

NG'THU K'THUUK~ 26:26

Ani naw a thüigen nak cu m’yih ci, Cun ung phi ani naw akshe a bi gui cu, päng naw hmuk ci.