1 SAMUEL 18:14 - Cho Bible Common Language 2016

¹⁴ ci, ani cu abi nak phung ung näng ci, a i ah kyasei ci ung ani cu Bawipa naw om püi ci.

1 SAMUEL 18:14 Referans Kwoze

ATÜNNAK 39:23

Thawng bawi naw a i a bi ba vai kä hlü khai ah Joseph naw bik ci. Joseph cu Bawipa naw m’htei sei a bi nak päng ung m’khüt näng nak om ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

JOSHUA 6:27

Cun ah kya ne Bawipa naw Joshua cu om püi sei, ani ah ming cu khawpäng avan ung thang ci.

LAMKTU 18:10

A u naw phi nang kä ning k’shedam nak khai, shin ah gawnu ung om ciah chang akda cu, kei na yum ciah chang gui nei” cine pyein ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

1 SAMUEL 18:15

Saul naw David ah näng nak cu teng neta, ani cu kyih law pi k’täi ci.

2 GHANGPUGHANG GUI 18:7

Cun ah kyasei ani cu Bawipa naw a täng ah om püi ci, a bi lawh phung ung m’khüt näng nak om ci. Ani naw Assiria uktubawi cu hnungtuk püi ne, ani ah ma ah kä ng’yom phung ci.

SAM 101:2

Kei ah ka hnün thawh cu kä chei khai nei. A i yah ung kei ah na lawk khai aw? Kei cu ka mät ah im ah ang cim ah ka om khai,

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

1 SAMUEL 19:8

Philistin gui awn ng’tuk nak om law ba mä ci. David naw tu gui ne, hnim gui ci, ngami cu püipiang ci gui.

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

1 SHONTÄP NAK 18:6

Cun kawn ah ani naw ngami ah khopäng ung gakap phung tu ne om u ne, phlam look ne law püi ci gui. Bawipa naw David am khaw nü ung näng nak pek ci.

1 SHONTÄP NAK 18:13

Ani naw gakap phung gui Edom khaw avan ung pyang sei, chang gui cu ghangpughang David ah ka ung om ci gui. Bawipa naw David am khaw nü ung näng nak pek ci.

2 SHONTÄP NAK 17:3

Bawipa naw Jehoshaphat cu hriham pek ci, a i ah kyasei ci ung ani naw apa ah ak htük ah ghin om man ah lam cu läk ci, Baala kä khawihnah ci.