1 SAMUEL 18:12 - Cho Bible Common Language 2016

¹² Saul naw David cu kyih ci, a i ah kyasei ci ung Bawipa naw David om püi ci, ani cu nawng ci.

1 SAMUEL 18:12 Referans Kwoze

1 SAMUEL 18:29

naw phi m’hni ci, cun ah kyasei ani naw David cu kyih law pi k’täi ci, amät cu a ghin ah chuih David ah ga ah kyak ci.

1 SAMUEL 18:15

Saul naw David ah näng nak cu teng neta, ani cu kyih law pi k’täi ci.

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

LAMKTU 24:25

Cun ung phi Paul naw, ni kyom nak ah mawng, htingling vuihgiip nak ah mawng, la gawk law khai ah m’khoichaa nak ah mawng gui cu, tän ne pyein khätah, Felix cu kyikyawk law netah, “Tuk bäi na hteit ba hning ci, cän kawn ah a khin a om nak ung ka ning khü law ba khai” cine pyen nak ci.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

LUKA 8:37

Cun ah kho ung chang gui cu ang htei ah kyikyawk u netah Bawipa Jesuh cu akyang ah a hei ah a hteh vai ah pyein u sei, Bawipa Jesuh cu hleiko ung kai ba ne a hei ah hteit ba ci.

MAKUH 6:20

Johan cu chang k’ni la chang theing ah a kyak ah mawng cu Herod naw hmat netah, ani cu kyih ne akni ah om sak ci. Herod cu Johan ah ng’thu pyein ang yak tu päng ung, am lung kyong cäi ng’ä ne a kyak pang ung phi, yeikyai ne ngai tu hlük ci.

MATTHE 25:41

“Cun kawn ah ghangpughang naw ak eng lam ah om ciah chang gui-am, ‘Thüi sei nak om ciah chang gui, shin ungka düi law ne, hteit vä, khoshe gui la ami khah püi gui ah hmawk ah pyan ah m’hteimei lam ung yu kya vä.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

SAM 53:5

Cun ah kyasei, ngami cu kä ami kyih man ah kyih aih khai gui nei, Khanpughi naw ak chang gui ah ami gaa gui ah guh gui cu, püi sak gui khai nei. Khanpughi naw ngami cu shedam na gui sei, Israel gui naw ami van hniim gui khai nei.

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

1 SAMUEL 22:13

Saul naw ng’shi ne, A i ah kyasei nang la David naw nani na hnu ng’tuk püi ang? A i ah kyasei ani am, ei vai ni, khim ni pe ne, Khanpughi ung na ng’ge pek ang? Tuhbäi ani ng’hlat ne kei na hnu ng’tuk püi ne, kei ana ngawn nak vai ah akhin cu ngäng ci nei!” pyen nak ci.

1 SAMUEL 18:20

Saul ah hta hnumi tumat Michala naw David cu m’hni ci, cun cu Saul naw ng’ya neta yei ci.

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

1 SAMUEL 20:13

Ani naw nang ning hnim vai ah abi cu nang naw na phyawn nak vai ah kä ka ning m’thein ah a kyak ung, Bawipa naw kei cu na sih sak sä. Bawipa naw ka pa a om püi man ah mäih ah nang cu ning om püi sä.

SUKI GUI 16:20

Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

2 SAMUEL 5:10

Ani cu ang täih ah ng’ghaw tai lawk ci, a i ah kyasei ci ung hlüngtai ciah Bawipa Khanpughi naw om püi ci.

2 SHONTÄP NAK 17:3

Bawipa naw Jehoshaphat cu hriham pek ci, a i ah kyasei ci ung ani naw apa ah ak htük ah ghin om man ah lam cu läk ci, Baala kä khawihnah ci.