1 SAMUEL 18:10 - Cho Bible Common Language 2016

¹⁰ A ngawi ung khaw ngawi Khanpughi ah tüih law ah mümcha she naw Saul cu ang ghit ah k’pang sei, a im kyong ah ak gu ah mäih ah gawmva ci. David cu ak hnüüp tä a tum man ah mäih ah tingtäng tum ci, Saul cu k’htei kawt ci.

1 SAMUEL 18:10 Referans Kwoze

2 THESSALONIAN 2:11

Cun ah kyasei Khanpughi naw hmakat nak ah hlüngtai nak cu cun ah chang gui ah ng’lung ah bi bik khai ah tüi law sei, ngami naw akshekha cu akcang ah ngai ne yum ci gui.

1 GHANGPUGHANG GUI 18:29

Ngami cu khaw hnüüp lunglai güt m’lau ne ng’pyang ci gui; cun ung phi m’shan nak gui kä gawk lawk ci, a i k’aw phi kä ng’yak ci gui.

1 SAMUEL 19:9

Hnüüp ät ung Bawipa ah tüih law ah mümcha she naw Saul cu pang ci. Ani cu a im kyong ah ngaw ne ak htei kawt ci, David cu acu ah tingtäng tum ne om ci.

LAMKTU 16:16

Kho hnüüp ät ung keimi cu taigü nak hmun ah kami hteh nak lam ah khoshe naw kai sei cecai ciah, ami changshäm hnumi hta tumat cu kami hmuk ci. Ani cu ak ce ng’cheng awn a bawi gui ah hmawk ah ngui akda gah ci.

1 SAMUEL 16:23

Cun kawn ah Khanpughi naw atüih law ah mümcha she cu Saul ah khan ah a gawk law päng ung, David naw a tingtäng cu la ne tum ci. Cun ung mümcha she cu a hei ah hteit ci, Saul cu ng’mang ba ne, gai ba ci.

JEREMIAH 28:11

Cun kawn ah chang gui avan ah ma ah a pyen cu, “Bawipa naw pyen ci, Changpakhui avan ah hnü ung ghangpughang Nebukhadnezzar naw atha ah phuih htung gui ai hawkcha ah ani naw ci hnget khai; ani naw shin gui cu kum goi ah kyong ung bik khai, ciah kyak ci,” Cun kawn ah kei cu ka hteit ci.

1 GHANGPUGHANG GUI 22:12

Ahei prophet gui ami van naw acun ah mäih pyen ci gui. Ngami naw, “Ramoth cu na tuk vai nei, na näng khai nei. Bawipa naw näng nak ning pek khai nei” cik ci gui.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

1 SAMUEL 18:9

Cun ah kyasei ani cu, cu hnüüp ung tün ne David ah khan ah m’thüi ne kä ngaih gep lawk ci.

1 SAMUEL 19:7

Cun ah kyasei Jonathan naw David khü neta a päng m’thein ci, cun kawn ah Saul ah hteh püi ci, David cu ayan ah mäih ah ghangpughang ah bi bi ba ci.

SUKI GUI 16:20

Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

1 SAMUEL 19:10

Saul naw David cu ak htei awn pang ung khän ne vawi khai ah tha nak ci, cun ung phi David ana ng’shawn sei k’htei cu k’pang ung ng’cai ci. David cu dawng ne phyawng ci.