1 SAMUEL 17:52 - Cho Bible Common Language 2016

⁵² Israel gui la Judah gui naw m’lau ne dawng ne Gath lam pu ung gawk u ne, Ekron m’kawt ung khüt sei k’täm gui ci gui. Leim ciah Philistin gui cu Saaraim ungka naw Gath la Ekron ung khüt sei lam pum ung kyu ne ng’zaih ci gui.

1 SAMUEL 17:52 Referans Kwoze

JOSHUA 15:11

Khawgii cu cun ungka naw hteit ne, Ekron asiip m’htung ung gawk ci, cun ungka ng’hlat ne, Shikero ung hteit ne, Baalah m’htung kaan ne, Jamnia ung khüt ci. Cun cu Mediteranean tuinu ung khüt ci.

2 SAMUEL 23:10

cun ung phi ani cu khüi ne ng’düi ne, akhim kä chah ba hlawt khai ah a kutban a kha güt Philistin gui cu tu gui ci. Cu hnüüp ung Bawipa naw näng nak akdäm bik ci. Cun ang pyi kawn ah, Israel gui cu Eleazar ah om nak ah law ba u ne, sik ci gui ah awi k’bah gui cu lak ci gui.

SUKI GUI 7:23

Cun kawn ah Naphtali, Asher, Manasseh vang goi vei ah ka chang gui cu khü gui u sei, ngami naw Midianit gui cu gawt gui ci gui.

1 SAMUEL 17:53

Israel gui naw Philistin gui ami gawt nak ung law ba u neta, ami phung gui phi gut gui ci gui.

1 SAMUEL 5:8

Cun ah kyasei ngami naw, a hei Philistin ghangpughang hma cu a täng ah khü gui u neta, ng’shi gui ci gui, “Israel Khanpughi ah Thukhän M’küm cu a i ah mi cik khai ang?” Ngami naw, “Gath ah hteh püi vä” cik ci gui. Ngami naw Gath ah hteh püi ci gui, cun cu Philistin mang gaw tumat ah kyak ci.

1 SAMUEL 5:10

Cun ah kyasei ngami naw Thukhän M’küm cu a hei mang gaw Ekron ah hteh püi ci gui; cun a gawk vai am, chang gui m’lau lawk ci gui,” ngami naw Israel Khanpughi ah Thukhän M’küm law püi ci gui nei, mikmi mi van ami na ngawn nak gui vai ah kyak ci nei!”

1 GHANGPUGHANG GUI 20:21

Ghangpughang Ahab cu ng’tuk nak ah law ne, ng’se gui la yatha gui cu khäm ne, Siria gui cu aknui nget ne hnim gui ci.