1 SAMUEL 17:51 - Cho Bible Common Language 2016

⁵¹ Ani cu va dawng ne a khan ah ng’düi neta, Koliath ah khimpem ung ka, khim la ne, ani ah lu cu täng ne ngawn ci. Philistin gui naw ami gabawi a sih cu hmu u neta, dawng yawp ci gui.

1 SAMUEL 17:51 Referans Kwoze

HEBRU 11:34

M’gäi ne lawk ciah mei k’hlaw phi m’dim ci gui, khim awn ami sih nak vai ung phi phyawng ci gui. Amik tha ken pang sei phi ak thagui k’ghaat ah mäih ah kyak ci gui, ng’tuk nak ung khüi ghaat u ne a kho hei ah gakap gui phi tu ne näng ci gui.

1 SAMUEL 21:9

Ahimelek naw, “Kei ung Philistin Koliath, Elah khaw nawi ung na ngawn ah khim om ci nei; cun cu shawiphaw ah hnu ah k’pyon awn hlawp ah kyak ci. Na ng’ya hlü ung, la ä shin ung li khim cun bäng om ci,” cik ci: David naw, “Kei am na pe ä, cun kawn ah ni ba pi ciah khim a hawi kä om khai nei!”

2 SAMUEL 23:21

Ani naw k’htei kawt ne sui awi ciah Egypt chang ang kawm phi ngawn ci. Benaiah naw ang sho pawng awn ani cu tuk ci. Egypt chang ah kut ung ka ak htei guh pe neta, a cun awn ngawn ci.

HEBRU 2:14

Cun ah a pyein ah hta gui cu si la sa awn om ci gui ah kyasei, Bawipa Jesuh cu si la sa om ciah hnicim chang ah yu kyum lawk ci. Cun ah a bi cu, khoshe ah hlüngtai nak ah kyak ciah sih nak cu, a sih nak awn am di ah kyak ci.

ESTA 7:10

Cun ah kyasei Mordekai m’awh nak vai ang lin ah ng’awh tung ung Haman cu m’awh ci gui. Cun ung ghangpughang ah m’lungshe nak cu diim ci.

1 SAMUEL 17:50

Cun ah David naw Koliath cu khim kä bi ah yaili la lung awn hnim ne ngawn ci!

1 SAMUEL 21:10

Cun ah kyasei, David cu Saul ung ka ng’düi law ne hteit ne Kath ghangpughang Achish ah hteit ci.

1 SAMUEL 31:9

Saul ah alu cu täng u ne, a awi k’bah cu sut u neta, Philistin khaw avan ung chang tüi u ne, a mawng thu ni cu a gup ami khawihnah gui la ami chang gui am m’thein ci gui.

2 SAMUEL 4:7

Vangtäng ah ngani cu Ishbosheth ah ih khan ah lut ci goi, acu ah ani cu hniim ne ip sei ngawn ci goi. Ngani naw alu m’chün ne, hteh püi ni ne, amü pum hteit ne Jordan khaw nawi kaan ci goi.