1 SAMUEL 17:49 - Cho Bible Common Language 2016

⁴⁹ Ani naw ang za kyong ah ka lung yu saw neta, yaili awn Goliath cu ng’väi ne vawi ci. Cun naw am cakau ung vawi sei alu am goop ci, Koliath cu kyu ne a hmai m’dek ung chah ne ng’yän ci.

1 SAMUEL 17:49 Referans Kwoze

2 GHANGPUGHANG GUI 9:24

Jehu naw ali cu ak thagui avan awn ang bang ah koi ne kap sei, Joram ah akpaang ungka naw amsinkak ung ng’täih lawk ci, Joram cu a yatha kyong ung kyu ne sik ci.

1 GHANGPUGHANG GUI 22:34

Cun ung phi Sirian gakap tumat naw kä ngaih-tüh ah m’la awn kap sei Ghangpughang Ahab ah shawiphaw suinu anglak ung valut khäta, “Kei ka leim ci nei, ng’tuk nak ungka ng’hlat ba ä” cine a yatha mawng ciam pyen nak ci.

1 SAMUEL 17:48

Koliath cu David lam ah ana a vü ba mä ci, David cu Philistin gui täng ah ani tuk khai ah, va dawng vük ci.

1 SAMUEL 17:50

Cun ah David naw Koliath cu khim kä bi ah yaili la lung awn hnim ne ngawn ci!

1 SAMUEL 19:5

Ani naw a hnun gui pe ne Koliath cu ngawn ci, Bawipa naw Israel gui ah phäh ah dämduh ciah näng nak bik ci. Acun na hmuh ung, na yei khai nei. Tuhbäi a i ah kyasei chang ni ah khan ah a hma na bi hlü ang, a mawng kä om ciah David na ngawn hlü ang?”