1 SAMUEL 17:43 - Cho Bible Common Language 2016

⁴³ Ani naw David am, “Cän ah htung a i na haw nak vai ang? Kei ui ah na na ngai ne ma?” ci nak ci. Ani naw amät ah Khanpughi khü ne David cu taam ci.

1 SAMUEL 17:43 Referans Kwoze

2 SAMUEL 9:8

Mephibosheth naw m’khukdong ba neta, “Bawi aw, kei cu ui k’si hlawk ah phi kä ka kyak ci ne! A i ah kyasei kei ah khan ah nang na ni aih ang?” cik ci.

2 SAMUEL 3:8

A cun naw Abner cu m’lung she sak ci. “Kei naw Saul kä ka bekhüt ciah na ngai ne ma? Judah gui ah phäh ah bi ka bik ciah na ngai ne ma?” cine pyen nak ci. Cun kawn ah kei cu ak htük ge ung napa Saul la a phäi nau gui, a teihpüi gui ung ka bekhüt ci, David naw a ning hnim vai süte ka ning hun ci; cun ung phi tuk ngawi, hnumi awn na k’puk ne, katnak na na shui ci!

1 SAMUEL 24:14

Teng vä, Israel ghangpughang naw chang ngawn vai ah k’tha nak ci nei! Teng vä, a i ang a gawt! ui k’si ang, ui ng’hli ang!

NG'THU K'THUUK~ 26:2

Plahtaam naw kä ning kyuk khai, ngami awn kä na khinkha ung. Ngami cu kä ngo phung ne yong ciah kha awn täng ci gui.

2 GHANGPUGHANG GUI 8:13

Hazela naw, “Kei cu a kholä nei! A i hawkcha ah cun ah huham mah ne ka kyak vai ang?” cik ci. Elisha naw, “Bawipa naw na m’hnuh ci, nang cu Siria ghangpughang ah na kya lawk khai” cik ci.

2 SAMUEL 16:9

Abishai, Zeruiah nu nak ci naw, “Ka bawi mang, a i ah kyasei shin ah ui naw a ning shai nak ang? Kei naw hteit ne alu ka m’chün khai nei!” cik ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

KHEI NAK 22:6

Ngami cu keimi ah ta m’gäi pi ci gui. Cun ah kyasei, na bä ni, law ne kei ah phäh ah nam taam gui vai nei. Cun ung keimi naw ngami cu hnim gui hlawt ne kami khaw ungka kami täm gui hlawt hman khai nei. Kei naw ka hmat ci, nang naw hriham na pek ung chang gui naw hriham gah ci gui. Nang naw na plah taam ung chang gui na tam naw m’kyuk gui ci.”

SUKI GUI 9:27

Ngami ami van ami sapyit lo ah hteit ci gui, sapyit theih bit u ne, sapyit tui pyang ci gui, cun kawn ah pawi bik ci gui. Ngami cu ami Khanpughi ah pum im ah hteit u ne, a cu ah ei aw u neta, Abimelek ah mawng pyen ne gaih ci gui.

1 SAMUEL 14:12

Ngami naw Jonathan la chang nong cu khü goi u neta, “Sha law ni ä! Kami ning m’thein goi vai om ci nei” cik ci gui. Jonathan naw chang nong am, “Na läk ä, Bawipa naw Israel gui am ngami ah khan ah näng nak vai pe pyi ci nei” cik ci.

2 SAMUEL 16:5

David cu Bahurim ung gawk khäta, Saul ah mätyah ah kyak ciah Rera ah hta Shimei naw law ne hmu lawk ci. Ani cu alaw vai am nawm shai lawk ci.

1 GHANGPUGHANG GUI 20:10

Benhadad ah ka law ba ci: “Shin ah mang gaw m’di ne akhui akpi gui ami kut awn kawt ne hteh püi hning khai ah chang gui ka law püi khai nei. Cun ah kä ka bi ung khanpughi gui naw na m’sih u sä!” cine pyen ci nei, cik ci.

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.