1 SAMUEL 17:36 - Cho Bible Common Language 2016

³⁶ Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:36 Referans Kwoze

1 SAMUEL 17:10

Shin ung tuhbäi, kei naw Israel gakap cu ka gheet taap ci nei. Kei na ng’tuk püi khai ah chang tumat nami ghü vai ah m’gäi ne ka ning pyen na gui ci nei!” cik ci.

ZEKHARIAH 12:3

Cun ah khin a gawk law ung Jerusalem cu, lung k’song ah ka pyang khai — acun ah lung sawchang ciah chang phung cu geih geep khai. Khomdek khan ung pakhui avan cu ani tuk vai ah ng’chum lawk khai gui.

ZEKHARIAH 2:8

Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.

EZEKIEL 32:19

Pyen na gui ä: “Nang naw a hei gui päng ah mä na kyom tuba ciah na ngai ne ma? Nang cu sih nak ah khaw ah na hteit khai nei, A cu ah Khanpughi ka ah om ci gui ah ng’lung ah na ng’zän khai nei.

ISAIAH 36:18

Bawipa naw ning hun gui khai ah nami ngaih vai ah Hezekiah ah gungthu cu kä namizum vai. A hei pakhni gui ah ami khopäng gui mäami khanpughi gui naw Assirian ghangpughang ah kut ung ka hun gui man ne ang?

ISAIAH 36:15

Bawipa ung nami ng’khüng vai ah aning sükso gui ung phi kä nami yum vai nei. Bawipa naw ning hun gui khai ah nami ngai ne ma, kami Assirian gakap naw nami mang gaw atuk nak ung düm sak khai ah kä nami ngaih en vai nei.

ISAIAH 10:15

Cun ung phi Bawipa naw, “Ghei cu, acun bik ci chang ah ta dämduh pi ciah pyen hning vai ang? Ng’hlawh cicu m’hlawh ciah chang ah mä küikyang tuba ne ang? Ng’kii naw chang kä k’pang ci, chang naw ng’kii k’pang ci nei.”

1 SAMUEL 17:26

David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

1 SAMUEL 17:35

kei naw gawt ne, tu ne, htome hta cu ka gut ba ci. Kawng, khawm cu kei täng ah ang hlah law ung pha ne ven ne a gawn ung k’hteu ne ka ngawn gui ci,

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

1 SAMUEL 18:17

Cun kawn ah Saul naw David am, “Shin cu kei ah ka hta hnumi ang vai pi Merab nei. Na chu nak vai ah ka ning pek khai. Cun cu m’gäi ne hläkhäm ciah gakap ah kya ne, ka bi na bi ah phäh la Bawipa ah ng’tuk na bi ah phäh ah kyak ci” cik ci. (Saul ah ngaih cu, cun ung Philistin gui naw David cu ngawn khai gui, ani naw a i abi vai kä hlü khai, ciah kyak ci.)

1 SAMUEL 31:4

Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

EZEKIEL 28:10

Nang cu Khanpughi kaa ah om ciah akhohei chang gui ah kut ung ui ah mäih ah na sik khai. Kei, uktu Bawipa naw thumkhän ka ning ci nei.

2 SHONTÄP NAK 32:17

Uktubawi naw Bawipa Israel Khanpughi cu k’shekdam na ne ca guk ci. Cun ah ca ung, “Chang pakhui gui ah ami khanpughi gui naw ami chang gui cu kei ah kut ungka kä hun hlawt ci gui, Hezekiah ah Khanpughi naw achang gui cu kei ungka kä hun hlawt gui khai.”

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.