1 SAMUEL 17:34 - Cho Bible Common Language 2016

³⁴ David naw, “Bawi Mang aw, Kei naw ka pa ah htome gui cu ka shäm ci. Kawng naw baw khawm naw baw htome lou ne a saw ung,

1 SAMUEL 17:34 Referans Kwoze

HEBRU 11:33

Ngami cu ami yum nak awn kho ak khan avan ung tuk bi u ne, näng nak gah ci gui. Ngami cu düng nak awn om u ne, Khanpughi ah a shaitaak cu gah ci gui, kawng hlui ah shai phi m’ghu ci gui.

SUKI GUI 14:6

Ang ghit ah Bawipa ah huham naw Samson cu kthamah sak sei, ani naw phongkawng cu Mehta ah mäih ah kaih ne hleei ci. Cun ung phi ani naw a i abi cu anu la apa am kä m’thein tu goi ci.

1 SAMUEL 17:33

Saul naw, “Ka, a i hawkcha ah nang naw na tuk khai aw? Nang cu ak hmaw, ani cu a ghin ah chuih gakap ah kyak ci!” cik ci.

1 SAMUEL 17:35

kei naw gawt ne, tu ne, htome hta cu ka gut ba ci. Kawng, khawm cu kei täng ah ang hlah law ung pha ne ven ne a gawn ung k’hteu ne ka ngawn gui ci,

AMOS 3:12

Bawipa naw, “Htoshäm naw phongkawng ah shai ungka, htome ah a khaw hnih, käcung a hnga vang, a guh ba ah mäih ah Samaria ah om ciah chang apihta pawih khai gui, ngami cu tuhbäi ih phak aknep ung om ci gui.

ATÜNNAK 31:39

Htawme k’ei hngei naw a lawh ung phi kä ka ning m’hnuh man ci, kä ka chaw nak khai, kä ka ci man ci. Mü ah phi, hnüüp ah phi chang naw am guk ung na na m’thung sak man ci.

1 SAMUEL 17:15

apa ah htome gui shäm khai ah, David cu Bethlehem ah hteit ba ci.

2 SAMUEL 17:8

Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

2 SAMUEL 23:20

Benaiah, Jehoiada ah hta, Kabzeela ah ka cun phi mingthang ciah gakap tumat ah kyak ci; ani naw m’gäi ne akda bik ci, cun ung dämduh ci goi ah Moabit gakap hnih a ngawn nak phi mingthang ci. Hnü ät ung khüi bawk ciah khaw ngawi ung khui ung yu lut ne phongkawng yu ngawn ci.

1 SHONTÄP NAK 11:22

Kabzeela ah ka Jehoiada ah hta Benaiah cu mingthang ciah gakap ah kyak ci; ani naw akda vei m’gäi nak bik ci, dämduh ciah Moabit gakap hnih ngawn ci. Hnü ät ung khüi a bawk hnüüp ung ani cu kawng ah khui ung lut ne phongkawng tumat ngawn ci.

SAM 143:5

Ng’pyi khän ciah hnüüp gui cu ka shüm ba ci; Nang ah bi gui avan cu ka ngaih-tüh ci, Nang ah bi gui avan cu ka ngaih-tüh ci, Nang ah hnün thawh gui avan cu ka m’lung ung ka khäm ci.

EZEKIEL 34:12

Cun cu htome shäm naw püipiang ciah a htome gui cu m’htei htang gui ne, atäng ah a law pü ba gui ah mäih ah kyak ci. Hmüp khui ah a kyak nak ah hnüüp ung, ngami ami püipiang nak ah hmun avan ungka kei naw ka law püi ba gui khai.

ZEKHARIAH 9:7

Ngami naw asi om ciah asa cu kä ei khai gui, ami hlawi sak gui phung kä ei khai gui. K’pawih ci gui ami van cu kei ah chang ah kyak khai gui, Judah pakhui ah pa ng’pai tumat ah mäih ah kyak khai gui. Ekron gui phi kei ah chang ah kya u ne, Jebusit ah mäih ah kyak khai gui.

ZEKHARIAH 11:16

Ka htome gui ngäng khai ah htomeshäm tumat cu ka khü ci, cun ung phi ani naw ami ngawn sheh ah htome phi kä m’htei ci, maih ci phi kä shui ci, nat nak om ci phi kä m’tui ci, gai ci phi kä tumbei ci. Cun ung phi plan pi ciah asa cu ei ci, ami khawpaw phi khing ci.

LUKA 2:8

Cun ah kho ung htomeshäm gui cu khomü ah khodo yung ah htome ngäng ne om ci gui.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

ROMAN 5:4

Hnimgei nak naw m’khütnäng nak, m’khüt näng nak naw m’lung üp ngaih u nak cu dang sak ci, cicu mi hmat ci.

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.