1 SAMUEL 17:32 - Cho Bible Common Language 2016

³² David naw Saul am, “Bawi mang aw, “A u naw shin ah Philistin chang kä kyih en sä! Kei naw hteit ne ka tuk khai nei” cik ci.

1 SAMUEL 17:32 Referans Kwoze

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

SAM 3:6

A kit päng ung veing ne nak koi ciah ga phya khak phi kä ka kyih ci.

ISAIAH 35:4

Am lung thüi ciah changnü m’thein ä, “Khüi ghaat vä, kä kyi en vä! Khanpughi cu ning hun gui khai ah lawk ci nei, nami ga gui m’kyuk khai ah lawk ci nei.”

KHEI NAK 14:9

Bawipa kä nami hnungtuk en püi vai, a cu ah om ciah chang gui kä nami kyih en gui vai, ayäi hta ah mikmi naw mi näng gui khai nei. Bawipa cu mikmi awn a täng ah om ci, ani naw ngami ngäng gui ciah ami khanpughi gui cu hnim gui ci. Cun ah kyasei kä nami kyih vai” cik ci goi.

HEBRU 12:12

Cun ah kyasei cüüm ciah nami kut cu m’cün u ne, gho ciah nami m’khuuk cu khüi sak vä.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

JOSHUA 14:12

Cun kawn ah kei la ka chang naw ng’thu kani pyen law ba hnüüp ung, Bawipa naw shaitak ana pek ah kyasei, khawgui khaw cu na peä. Keimi naw kami ning m’thein ci, Anakim ciah chang dämcham pakhui gui cu, acu ah mang gaw däm gui vongpaang ne om ci gui nei. Bawipa naw kei cu na om püi khai nei. Bawipa naw a pyen ah mäih ah kei naw ka k’täm gui khai nei” cik ci.

KHEI NAK 13:30

Moses hnungtuk püi ne chiu m’da ciah chang gui cu Kaleb naw a düm ah om sak gui neta, a pyen cu, “Mikmi naw mi tu u ne, cun ah khaw cu mi m’khüt khai nei. Mikmi cu acun näng hning khai ah mi k’thamah ci nei” cik ci.

1 SAMUEL 17:31

David ah ng’thu ng’yak ciah chang amshah gui naw Saul am m’thein u ne, ani ah tüi ci gui.

ISAIAH 7:4

Ang nih nak vai, akcing ah a om vai. Kä a kyih kyawk vai, kä a m’lungso vai ah na m’thein vai nei. Ghangpughang Rezin la a Sirian chang gui la Ghangpughang Pekah ah m’lungshe nak cu ui ngän ngän ciah sing tawn hnih hlawk ah kyih vai ah kä kya ba ci nei.