1 SAMUEL 17:26 - Cho Bible Common Language 2016

²⁶ David naw a pei ah ka gui cu ng’shi gui ne, “Shin ah Philistin chang ngawn ne Israel gui cäi ng’ä nak ung phyawn sak ciah chang naw a i gah khai ang? Ghing ciah Khanpughi ah gakap ghet taap ciah shin ah chang hei Philistin chang cu a u ang?” cik ci.

1 SAMUEL 17:26 Referans Kwoze

1 SAMUEL 11:2

Nahash naw, “Amawng tumat ung, kei naw nangni awn ng’gei nak ka bik khai: Kei naw chang päng ah k’pat lam mik cu ka kawih khai, Israel avan ung thüi sei nak ka law püi khai” cik ci.

THULÄÄN NAK 5:26

Ghing ciah Khanpughi, mei ungka naw thu pyen sei ng’ya pyi ciah chang cu ghing ba lä man ne ang?

1 SAMUEL 17:36

Kei naw kawng gui la khawm gui cu ka ngawn ci, shin ah khuihei Philistin acun ah mäih ah ka cik khai, ani naw ghing ciah Khanpughi ah gakap gui cu gheet taap gui ci.

1 SAMUEL 17:10

Shin ung tuhbäi, kei naw Israel gakap cu ka gheet taap ci nei. Kei na ng’tuk püi khai ah chang tumat nami ghü vai ah m’gäi ne ka ning pyen na gui ci nei!” cik ci.

1 SAMUEL 14:6

Jonathan naw chang nong am, “Philistin chang hei gui ah phung ah ni va ng’kat khai. Bawipa naw na m’htei goi hman khai; ana m’htei goi ah a kyak ung kä ma ne, näng nak na pe goi khai, mi ken ung phi a i kä kyak khai” cik ci.

2 GHANGPUGHANG GUI 19:4

Assirian uktubawi ah tüih law ah gabawi naw ghing ciah Khanpughi cu päipih ci. Na Khanpughi Bawipa naw cun ah päipih nak ah ng’thu cu ng’ya ne, cun ah ng’thu ci gui cu m’kyuk gui sä. Cun ah kyasei pawih ba ciah mi chang gui ah phäh ah Khanpughi ah taigü ä.”

DANIEL 9:16

A cau nang naw na na shungvong gui ci, cun ah kyasei Jerusalem cu kä m’lungshe na en baä. Shin cu nang ah mang gaw, nang ah theingthap ciah khomhtung nei. A peileng yung ah om ciah khopäng gui ung chang avan naw Jerusalem la na chang gui cu kahta nak ci gui nei, a i ah kyasei ci ung kami hma nak la kami pupa gui naw akshe ami bi ah hmawk ah kyak ci nei.

JEREMIAH 10:10

Cun ung phi nang, Bawipa, cu Khanpughi akcang nei, nang cu ghing ciah Khanpughi, angtäi ghing ciah ghangpughang nei. Nang na m’lungshe ung khomdek cu thüng ci, nang ah m’lungshe cu changpakhui gui naw kä näng ci gui.

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

SAM 44:13

Nang naw keimi ah khan ah na bi cu kami peileng gui naw hmu u neta, na päipih u ne, na gaih tu gui ci gui.

NEHEMIAH 5:9

Cun kawn ah kei naw ka pyen cu, “Nang naw na bi cu chei ci nei! Nang naw Khanpughi na ngaih vai, düng ci na bi vai. Kami ga gui la khuihei chang gui naw ami na gaih m’gin vai ah amawng, nangmi naw a i kä nami pek en gui vai.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 THESSALONIAN 1:9

Keimi kami law ah mawng la a i cha nami na dou gui ah mawng, düng ne ghing ciah Khanpughi ah a khuut bi vai la khankho ah ka kyum law ba khai ah A Htapa ngäng vai ah hmawk ah a gup gui nawng shüt ne Khanpughi ah nami ng’hlah law ba ah mawng gui cu, cun ah chang gui naw pyein sak ci gui nei.

JOEL 2:19

Ani naw m’shang gui ci, “Tuhbäi kei naw, htang m’guh ni, sapyit tui ni, olive situi ni, ka ning pe law gui khai, nangmi cu nami phü khai. Ahei pakhui gui naw kä ning päipih ba gui khai.

SAM 74:18

Cun ung phi Bawipa, na ga gui naw ning gaih m’gin u ne, changshe gui naw ami ning päipih cu shüm ba ä.

1 SAMUEL 17:30

Ani naw a hei tumat cu ng’hlah shi ne ng’shi ba mä ci, ang shi päng naw acun ah m’shang ci gui.

1 SAMUEL 31:4

Ani naw ali htei kawt ciah changnong am, “Na khim phawng ne, kei na ngawn ä, cun ung shin ah Khanpughi kä yum ciah Philistin gui naw yei ne kä na ngawn khai gui” cik ci. Cun ung phi cun ah chang nong cun bi vai ah ang htei ah kyik ci. Cun ah kyasei Saul naw amät ah khim phawng ne, amät ng’tawk ci.

JEREMIAH 9:25

Bawipa naw pyen ci, “Kei naw shin ah chang gui ka m’kyuk nak gui vai ah akhin cu gawk lawk ci nei: Egypt, Judah, Edom, Ammon, Moab, la khong gau kho chang gui, ngami cu ami lu ak tawi ah k’teiu ci gui ah kyak ci. Shin gui ami van cu ami vun-aat ci gui ah kyak ci, cun ung phi acun dang sak ciah thukhän cu ngami naw kä k’pang ci gui. Shin ah chang gui la Israel chang gui a u naw phi kei ah thukhän kä k’pang ci gui.

EZEKIEL 28:10

Nang cu Khanpughi kaa ah om ciah akhohei chang gui ah kut ung ui ah mäih ah na sik khai. Kei, uktu Bawipa naw thumkhän ka ning ci nei.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

2 SHONTÄP NAK 32:17

Uktubawi naw Bawipa Israel Khanpughi cu k’shekdam na ne ca guk ci. Cun ah ca ung, “Chang pakhui gui ah ami khanpughi gui naw ami chang gui cu kei ah kut ungka kä hun hlawt ci gui, Hezekiah ah Khanpughi naw achang gui cu kei ungka kä hun hlawt gui khai.”

ISAIAH 37:23

A u na gheet taap na gaih, m’gin ciah ang na ngaih? Nang naw, kei Theingcim Israel Khanpughi cu kä na na chang m’sui ci nei.

DANIEL 5:23

Nang naw khankho Bawipa hnung tuk püi ne, ani ah Taigüim ungka khap gui la khawk gui na law püi ci. Nang, na bawi ng’vai gui, na chu gui la na chuba gui naw a cun gui ung sapyit tui aw u ne, ghui, nui, kyei, m’sii, sing la lung awn ami pyan ah khanpughi gui cu m’hlüngtai ci gui — Cun ah khanpughi gui cu a i kä hmuk ci, a i kä ng’yak ci, a i phi kä hmat ciah kyak ci. Cun ung phi nang ah na ghin nak vai la na sih nak vai, m’hnüt bäi hning ne, na bi phung shum ciah Khanpughi cu kä na m’tamkhah ci.

DANIEL 6:27

Ani naw hun ci, gung ci nei; Ani naw cäicat gui vai la cäi aih gui vai cu khankho la khomdek ung dang sak ci nei. Ani naw Daniela cu phongkawng gui naw ami lawh vai süte hun ci nei.”