1 SAMUEL 17:25 - Cho Bible Common Language 2016

²⁵ “Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.

1 SAMUEL 17:25 Referans Kwoze

JOSHUA 15:16

Kaleb naw, “Kiriath Sepher tu ne näng ci am ka hta hnumi Achsah ka chu na sak khai” cik ci.

THU PHLAAN 3:12

Näng ciah chang cu Kapa Khanpughi ah pum im ung mang k’tung ah ng’düi khai, ani cu ngawi ah phi acun ungka kä ng’nawn ba khai. Kapa Khanpughi ah ming la Kapa Khanpughi ah khankho ah kaa kia lawk khai ah Kapa Khanpughi ah manggaw, Jerusalem gawnu k’thai ah ming cu, kei naw ani ah khan ah ka guk khai. Ani ah khan ah kei ah ming thai cun phi ka guk khai.

THU PHLAAN 2:7

“Khrithabum gui-am Mumcha naw am thein gui cu nami hnga a om ung ngai ne nami ng’yak vai nei. “Näng nak gah ciah chang-am Khanpughi ah chaam kyong ah phung ciah, ghin nak sing ah aktheih ei nak hning cu ka pek khai nei.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

THU PHLAAN 3:5

Näng nak gah ciah chang gui cu sui bawk sui khai gui, kei naw ngami ah ming cu ghin nak ca-uk ungka kä ka heeng khai. Ani cu kei ah chang ah a kyak ah mawng, Kapa la ak khanchang gui ah maa ah kei naw ng’kiaa ne ka pyein khai nei.

THU PHLAAN 2:17

“Khihtabum gui-am Mumcha naw am thein gui cu nami hnga a om ung ngai ne nami ng’yak vai nei! “Näng nak gah ciah chang-am thup ne ghim ah manna m’htut cu ka pek khai, k’toulung bawk phi ka pek khai. Cun ah k’toulung bawk ung guk ah ming thai cu, a u naw kä hmat khai, acun ah lung gah ci bäng naw hmat khai.

MATTHE 17:26

Peter naw, “A kho hei ah kaa om tuk ci gui-am a khawn m’cu sak ci gui nei,” cine pyein ci. Bawipa Jesuh naw, “Cun ah kiasei mät ah kho chang gui cu a khawn käm cu ci gui.

EZRA 7:24

Nangmi naw taigü gui, Levit gui, ng’äi awm ci gui, Taigüim ngäng ci gui biik’bi gui a u phi a shin ah Taigüim ah mawng phung ung a i akhon phi kä nami loh vai.

1 SAMUEL 17:24

Israel gui naw Koliath cu hmu u neta, kyi ne dawng ci gui.

1 SAMUEL 17:27

Koliath ngawn ciah chang cu a i ah kya lawk khai cicu ngami naw m’thein ci gui.