1 SAMUEL 17:24 - Cho Bible Common Language 2016

²⁴ Israel gui naw Koliath cu hmu u neta, kyi ne dawng ci gui.

1 SAMUEL 17:24 Referans Kwoze

ISAIAH 30:17

Nang gagui gakap tumat nami hmuh ung, nangmi phia khak nami dawng khai nei, nangmi avan nami dawng vai ah ga kap hma cu bä khai nei. M’htung lai ung alantäng bäng pawih khai, cun kawn ah a u gakap phi kä k’pawih khai nei!

ISAIAH 7:2

Siria gakap gui cu Israel khawpäng ung gawk law pyi ci gui nei, ciah ng’thu cu Judah ghangpughang ung gawk law khäta, ani la a chang gui ami van cu ang htei ah kyi u ne ta, khaw akhi ung sing ghing a hnün ah mäih ah ng’hlet ci gui.

1 SAMUEL 17:11

Saul la a chang gui naw ng’ya u neta, ngami cu cäicat ci gui.

THULÄÄN NAK 32:30

A i ah kyasei chang tumat naw chang phia gha a hnim gui ang? A i ah kyasei chang hnih naw chang phia phia a hnim gui ang? Bawipa nami Khanpughi naw ngami nawng gui ci. M’gäi ciah ami Khanpughi naw ngami mlungsi sak gui ci.

KHEI NAK 13:33

Chang dämghaw gui phi om u sei, kami hmu gui ci. Ngami cu Anak ah ng’shon gui ah kyak ci gui. Ngami ah ma ah mikmi cu khanpeh hlawk ah mi kyak ci” cik ci gui.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

1 SAMUEL 17:23

Ani naw ang htau püi gui yah ung, Koliath cu ng’phäi law ba ci, a cita ah mäih ah Israel gui cu gheet taap ba gui ci, cun cu David naw ng’yak ci.

1 SAMUEL 17:25

“Teng tu vä” cine ami mät ng’htau ci gui. “Ani ah gheet taap nak cu ngai vä! Ghangpughang Saul naw ani ngawn ci am dämduh ciah m’cümhnah nak pek khai ah shaitak ci nei. Ghangpughang naw a hta hnumi phi chu na sak khai nei, ani ah pa ah kyong khui ung phlam phi kä lak khai nei” cik ci gui.