1 SAMUEL 17:12 - Cho Bible Common Language 2016

¹² David cu Jesse ah hta, Ephrathit pakhui, Bethlehem mang gaw, Judah khaw ung ka ah kyak ci. Jesse ung a htapa cheit om ci, Saul ghangpughang ah a kyak yah ung ani cu ang’htei ah ghi law pyi ci.

1 SAMUEL 17:12 Referans Kwoze

ATÜNNAK 35:19

Rachela cu si sei, Ephrath ah hteh nak lam pei ung k’phuh ci gui, cun cu tuhbäi Bethlehem ah kyak ci.

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

1 SAMUEL 17:58

Saul naw, “Chang nong, a u ah ning hta ang?” ani naw, “Kei cu Bethlehem ah ka na changshäm Jesse ah na hta nei” cine David naw m’shang ci.

MATTHE 2:6

‘Judea kho ung om ciah Bethlehem gawnu, Nang cu Judea kho gawnu gui ung, Ak yaw pibäih ah kä na kyak ci nei, Ka chang Israel gui, lam shüm gui khai cu, Nang ungka dang lawk khai nei’ ciah om ci,” ci ne m’thein ba gui ci.

MATTHE 1:6

David ungka naw Israel chang gui Babilon kho ah ami hteh püi gui ung khüt ciah ng’shon ah ng’täm law gui cu; David ah hta Solomon (anu cu Uriah ah chu David ah khäm tu ba);

1 SAMUEL 16:1

Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

MATTHE 2:1

Bawi Jesuh cu Judea kho, Bethlehem gawu ah, Herod ghangpughang ah uk yah ung ami hta nak ah kyak ci. Cun yah ung hnilaw lam ah kaa, aisi läk lawk ciah hmuhmat chang gui cu, Jerusalem ah gawk law u netah,

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

SAM 132:6

Bethlehem ah Thukhän m’küm ah mawng mi ng’ya pyi ci, Jearim kho hmun ung mi hmu pyi ci.

1 SAMUEL 17:11

Saul la a chang gui naw ng’ya u neta, ngami cu cäicat ci gui.

RUT 1:2

Cunah chang ah ming cu Elimelek ah kyak ci, akchu ah ming cu Naomi ah kyak ci, a hta goi ah ming cu Mahlon la chilian ah kyak ci, ngami cu Judah kho, Bethlehem Mang gaw ung ka Ephrathite gui ah kyak ci gui. Ngami cu Moab kho ah hteit ne a cu ah om tuk ci gui.

RUT 4:17

Ami pei leng ah hnumi gui naw a hmaw ah ming cu Obed ah sui ci gui. Ngami naw chang pang ah ma ah, “Naomi ah phäh ah hta pami ng’tüi pyi ci nei” cik ci gui. Obed cu Jesse ah pa ah kia lawk ci, Jesse cu David ah pa ah kya lawk ci.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

2 SAMUEL 23:1

Jesse ah htapa David cu Khanpughi naw a dämduh sak ah chang ah kyak ci, ani cu Jakob ah Khanpughi naw ghangpughang ah a ghü ah kyak ci, ani cu Israel chang gui ah phäh ah ng’äi k’kiom gui pyang ciah kyak ci. Shin gui cu David ah ak hnu ah angthu gui: