1 SAMUEL 16:7 - Cho Bible Common Language 2016

⁷ Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

1 SAMUEL 16:7 Referans Kwoze

JOHAN 7:24

Khan shai awn dang ci düt teng ne käm khoichaa u ne, düng nak awn m’khoichaa nak nami bi vai nei” cine kyak na gui ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

LUKA 16:15

Bawipa Jesuh naw, “Nangmi cu, nami mät naw nami mät chang khän gui ah chang ah ma ah nami m’dang ci. Cun ung phi Khanpughi naw nami m’lung kyong ning hmat gui ci. Chang gui naw ang khän ah ami ngaih cu Khanpughi ah ma ah m’sheshai ah kyak ci.

1 PETER 3:4

nami m’lung kyong ung akcang ah ng’awi ng’gi nak la hniphnoi nak cu om sä, cun cu Khanpughi ah ma ah ak küikyang ah kyak ci nei.

NG'THU K'THUUK~ 16:2

Nang naw na bi phung cu bämcam ciah na ngai ci, Cun ung phi Bawipa naw na m’lung kyong m’khoichak ci.

NG'THU K'THUUK~ 31:30

M’däk nak cu lam hma nak ah kyak ci, kyom nak cu ng’kawn khai, cun ung phi Bawipa m’tamkhah ciah hnumi cu m’hlüngtai nak om khai.

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

2 SHONTÄP NAK 16:9

Bawipa naw khomdek khan avan cu k’pang ne teng ne, amlung kyong avan awn ani ah khan ah bekhüt ci gui am k’thagui cu pe gui ci nang cu akgu k’ang ah na hnüntho ci, cun ah kyasei tuhbäi ung tün ne nang ah khan ah ng’tuk nak om lä khai” cik ci.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

JEREMIAH 20:12

Cun ung phi m’gäi ciah Bawipa, nang naw chang gui cu taga khai ah na m’nüm ci; ngami ah ami m’lung ngaih kyong ung a i om ci, cicu nang naw na hmat ci. Ka ga gui ah khan ah phu na tuk cu na hmuh sak ä, kei ah ka mawngma cu nang ah kut khui ung ka tha ci nei.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

2 KORIN 10:10

Chang amshah naw, “Gai ne lingtha ci, keimi awn a täng ah a om yah läi ung hnawhdeh ne ang thu phi kä ng’khän te ci” nami cik khai.

1 PETER 2:4

Bawipa ah law vä, Bawipa cu ghing ciah k’toulung ah kyak ci. Ani cu chang gui naw lung düt cine nawng pang u sei phi, Khanpughi naw a ghü ah ak küikyang ah kyak ci.

JOB 10:4

Kami bilawh gui cu kami bi ah mäih ah na hmuh naw?

2 SAMUEL 14:25

Israel khaw ung Absalom ah mäih ah kyom sang ne mingthang ci a u kä om ci; ani cu alu ungka naw a khaw ah khüt sei akat nak a i kä om ci.

1 SAMUEL 9:2

Ani ung Saul ming nak ciah a hta tumat om ci, ani cu a gup kyom ne aa mah ci. Ani cu Israel kho ung chang avan ah alu awn ng’ng’shäi pi ne, kyom pi ciah kyak ci.

JEREMIAH 11:20

Cun kawn ah kei ah taigü ci, “m’gäi ciah Bawipa, nang ci taga ciah suki ah na kyak ci; nang naw chang gui ah ngaih-tüh la ami m’lung ngaih gui cu na m’nüm ci. Kei ah ka mawngma gui cu nang ah kut ung ka tha ci nei; cun ah kyasei shin ah chang gui ah khan ah phu na tuk cu na hmuh sak ä.”

NG'THU K'THUUK~ 15:11

Sih nak ah khaw ung om cicu Bawipa naw ka a hmat vai ah ka k’pang hlawt ci, a i cha ah chang naw amlung ngaih cu, Khanpughi ah ma ah thup hlawt khai aw?

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

2 KORIN 10:7

Nangmi naw ak pung müisa vah nami teng ci, Nangmi ungka kei bawi Khrih chang ah ka kyak ci cik ciah chang a u om ne ang? A om ah a kyak ung ani ah mäih ah Keimi phi Bawi Khrih ah chang ah kami kyak ci ci cu, ngaih-tüh ba sä

JOHAN 8:15

Nangmi naw chang ah ng’yak hlü bäng ah m’khoichaa nak nami bik ci; kei naw a u ah khan ah phi m’khoichaa nak kä ka bik ci.

ATÜNNAK 4:5

Cun ung phi Kain la a khawihnah nak cu kä dou ci. Cun ah kya khäta Kain cu a thang she sei m’lung k’she ci.

1 SAMUEL 2:3

M’lau ne na längtang nak cu ng’düm ä; Na khähghah nak ah ng’thu cu m’dim ä. Bawipa cu hmuhmat ciah Khanpughi nei, ani naw chang gui ah bi avan m’khoi chak ci.

2 SAMUEL 7:20

Kei naw a i ang ka ning pyen nak ba mä kaw! Nang naw na na hmat ci, na na changshäm.

2 SHONTÄP NAK 6:30

ami taigü ngaih pe gui ä. Khankho na im ah ka naw ngai gui ne, m’geinsei gui ä. Nang bäng naw vah hniciim chang ah m’lung ngaih cu na hmat ci. A chang päng cu amät ah bi ah mäih ah om püi ä.

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

1 SHONTÄP NAK 17:18

Kei naw a i ka pyen ba khai ang! Nang naw akni ah na na hmat ci, nang naw na changshäm cu na m’tamkhah ci.

JOB 35:5

Khomik cu teng ä, Khong mei gui a i hlawk ah hlüng u ne ang!