1 SAMUEL 16:6 - Cho Bible Common Language 2016

⁶ Ami gawk law ung Samuel naw Jesse ah hta Eliab cu hmu neta amät ng’htau ne, “Shin ah chang, shin ung düi ci, Bawipa ah ma ah ka shih, Ani naw a ghü ah ng’khän ci nei” cik ci.

1 SAMUEL 16:6 Referans Kwoze

1 SAMUEL 17:13

A hta pami ang vai ba thum cu Saul awn a täng ah ng’tuk nak vai ah hteit tuk ci gui. Ang’vaipi cu Eliab, cun tawi cicu Abinadab, a thum nak cu Shammah ah kyak ci.

1 SHONTÄP NAK 2:13

Jesse cu chih ah hta ci Ami Kum ah ng’läk ah tän gui ung: Eliab, Abinadab, Shammah,

1 SAMUEL 17:22

David naw ei k’thak gui ah ng’vai am ei vai a hteh püi cu nawng pe shüt neta, ami ng’tuk nak vai ah dawng ne, aphäi gui ah hteit neta, a i ah ami kyak ng’shi gui ci.

SUKI GUI 8:18

Cun kawn ah Kideon naw Zebah la Zalmunna cu ng’shi goi ci. Tabor ung nami ngawn gui ah chang gui cu a i hawk cha ang?” Ngami naw m’shang ne, “Ngami cu nag ah mäih lawk ci gui, ak chang sing cu ghangpughang ah hta ah mäih lawk ci gui.”

1 GHANGPUGHANG GUI 12:26

Ani cu amät ng’htau ne, “Tuhbäi ung, kei ah ka chang gui cu Jerusalem ah hteit u ne, a cu ah Taigüim ah Bawipa am khawihnah nak ami douthak ah a kyak ung, ngami cu Judah ghangpughang Rehoboam täng ah ami m’lung hlaih sei, kei cu na ngawn khai gui” cik ci.

1 SHONTÄP NAK 28:4

Bawipa Israel Khanpughi naw kei la ka htangshon gui cu khonglän ung Israel kami uk vai ah na ghü gui ci nei. Ani naw Judah pakhui cu ami ng’vaihta vai ah ghü gui ci, Judah pakhui ungka kei ah pa ah kyonkhui mä ghü ba ci. Cun ah kyongchang avan ungka yei na neta kei cu na la ne, Israel khaw avan ung ghangpughang ah na pyang ci.

2 SHONTÄP NAK 11:18

Rehoboam naw Mahalath chu nak ci, a chu ah apa cu David ah hta Jerimoth, anu cu Abihail, Eliab ah hta, Jesse ah tu ah kyak ci.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

1 GHANGPUGHANG GUI 4:11

Benabinadab, Solomon ah hta hnumi Taphath chu nak ci: Dor khaw khawpäng avan