1 SAMUEL 16:5 - Cho Bible Common Language 2016

⁵ Ani naw, “Ä, kei cu Bawipa am khawihnah nak ka douthak khai ah ka lawk ci nei. Nami mät theingthap sak neta law tu vä” cik ci. Ani naw Jesse la a hta gui phi ami mät ami theingthap vai ah pyen na gui neta, khawihnah nak ah khü gui ci.

1 SAMUEL 16:5 Referans Kwoze

JOSHUA 3:5

Joshua naw chang gui am, “Nami theingthap vai nei, a i ah kyasei ci ung ngawi ung Bawipa naw nami ng’lung ah cäi aih vai cu bi lawk khai nei.”

PHYAWN NAK 19:10

Bawipa naw Moses am, “Hteit ne chang gui am m’thein gui ä, Kei na khawihnah khai gui ah kyasei, tuh ngawi la ngawi ung ami ng’gangsei vai, ami suisak ami m’su vai,

1 KORIN 11:28

Cun ah kyasei, chang päng naw amät naw amät ngaih tüh pük pük netah, m’htut cu ei ne khap cu aw sä.

JOSHUA 7:13

Tho lawä! Chang gui theingthap sak gui ä! Ka ma ah ami law vai ah pawng sak gui ge ä! Ngawi ung ami pawng ge vai ah na m’thein gui vai, a i ah kyasei ci ung Kei, Bawipa Israel Khanpughi naw shin ah ka pyen ci; ‘Israel gui, kei naw m’di vai ah ka thukbäi ah khawh amshah nangmi ung om ci! Acun ah khawh ungka kä nami phyawn pha ah chuih nami ga näng ne kä nami ng’düi hlawt khai!’

JOEL 2:16

Chang gui atäng ah bum gui vä; theing ciah ng’ge nak vai ah pawng püi gui vä; aghipa gui law püi gui vä; a hmaw gui bum gui vä nausen gui phi bum gui vä. Ng’chu ng’la thai ci gui phi ami im nawng shüt ne law u sä.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

KHEI NAK 11:8

Cun cu khomü ah khüi awn ng’dawn ne shaum pigaw ung kya lawk ci. A ngawi ung khaw ngawi chang gui naw hteit ne kaw u ne, geet ne khui khai ah deng u neta, shong ci gui. M’htut phe ah phi pyang ci gui. Cun cu oliv situi awn pyan ah m’htut ah mäih ah hlim ci.)

ATÜNNAK 35:2

Cun kawn ah Jakob naw akyong ungka gui la a chang gui avan am, “Nami ng’lung ah om ciah a hei khanpughi gui cu nawng u ne, nami mät theingcim sak u ne, nami suisak phi ng’thong yawp vä.

1 SAMUEL 20:26

Cun ung phi cu hnüüp Saul naw a i phi kä pyen ci, a i ah kyasei ci ung, ani a i ah baw kya hman mäih ci, cine ngai ci, cun ung phi ani cu kä ci ng’ciim ci.

ZEPHANIAH 1:7

Bawipa naw am khoicha nak vai ah hnüüp cu ng’et lawk ci nei. Cun ah kyasei ama ah kawp yawp vä. Bawipa naw ghutha nak vai ah a chang gui pawng püi ne, Judah gui tu gui khai ah ga gui khü gui ci.

1 GHANGPUGHANG GUI 2:13

Adonijah, Hakkith nu nak cicu Solomon ah nu Bathsheba ah hteit khäta, ani naw, “Na om law tuk ci ma” cine ng’shik ci. Ani naw, “ä ya” cik ci,

1 SHONTÄP NAK 12:18

Khanpughi ah mümcha naw ngami ungka tumat, Amasai, “Thumkip” ah gabawi ah kya lawk khai cu k’pang khäta, ani cu m’lau ne, “Jesse ah hta David, keimi cu nang ah na chang gui nei! Nang la nang ning bawm ci gui cu näng nak om sä! Khanpughi cu nang täng ah om ci nei! cik ci. David naw ngami cu dou gui ne, gakap ung angvai gui ah tha gui ci.