1 SAMUEL 16:4 - Cho Bible Common Language 2016

⁴ Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.

1 SAMUEL 16:4 Referans Kwoze

1 GHANGPUGHANG GUI 2:13

Adonijah, Hakkith nu nak cicu Solomon ah nu Bathsheba ah hteit khäta, ani naw, “Na om law tuk ci ma” cine ng’shik ci. Ani naw, “ä ya” cik ci,

LUKA 5:8

Simon Peter cu acun gui hmu netah Bawipa Jesuh ah ma ah m’kuukdong ne, “Bawipa, kei cu katnak bik ciah chang ah ka kyak ci kyasei, kä na k’et ne a hei ah hteit tei-ä” cik ci.

2 GHANGPUGHANG GUI 9:22

“Nang cu dimdeih nak awn na lawk ci ma?” cine Joram naw ng’shik ci. Jehu naw, “A i hawkcha ah dimdeih nak a om vai ang? Mikmi ung na nu Jezebela naw a tün ah cunce nak la a gup khawihnah nak cu om lä ci nei” cik ci.

1 SAMUEL 21:1

David cu Nob ah taigüpa Ahimelek ah hteit ci. Ahimelek naw lut law ne cäi ne ng’hlet ne hmu neta, “A i ah kyasei shi ah namät bäng na law ang?” cine ng’shik ci.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

LUKA 8:37

Cun ah kho ung chang gui cu ang htei ah kyikyawk u netah Bawipa Jesuh cu akyang ah a hei ah a hteh vai ah pyein u sei, Bawipa Jesuh cu hleiko ung kai ba ne a hei ah hteit ba ci.

LUKA 2:4

Josef cu Kalile kho Nazaret ungka naw, Ghangpughang David ah ng’tüi nak Judea kho Bethlehem gawnu ah hteit ci. Josef cu David ah hta ng’shon ah kyak ciah kya ne acu ah hteit ciah kyak ci.

HOSEA 11:10

“Ami ga gui ah khan ah phongkawng ah mäih ah ka m’ngaw law ung, ka chang gui naw na läk lawk khai gui, Ngami cvu akhei täng ah ka ang ghit ah kei ah law ba khai gui.

HOSEA 6:5

Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.

2 SAMUEL 6:9

Cun kawn ah David naw Bawipa cu kyih neta, “A i hawkcha ah Thukhän M’küm cu tuhbäi ka hteh püi khai ang?” cik ci.

ATÜNNAK 48:7

Shin ah ka bi cu na nu Rachela ah hmawk ah kyak ci. Ani cu Kanaan khaw Ephrath gawnu pei ah si sei anghtei ah ka thüi ci. Cun cu Mesopotamia ah kaa law ba lam ah kyak ci. Ephrath cu lam pei ah ka m’ciim ci. Ephrath cu tuhbäi Bethlehem ah kyak ci.

ATÜNNAK 35:19

Rachela cu si sei, Ephrath ah hteh nak lam pei ung k’phuh ci gui, cun cu tuhbäi Bethlehem ah kyak ci.