1 SAMUEL 16:18 - Cho Bible Common Language 2016

¹⁸ Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.

1 SAMUEL 16:18 Referans Kwoze

1 SAMUEL 3:19

Samuel cu ng’vai lawk ci, Bawipa naw a täng ah om püi ne, a päng bi sei, Samuel ah ng’thu avan cu akcang ah kümbe lawk ci.

ATÜNNAK 39:23

Thawng bawi naw a i a bi ba vai kä hlü khai ah Joseph naw bik ci. Joseph cu Bawipa naw m’htei sei a bi nak päng ung m’khüt näng nak om ci.

ATÜNNAK 39:2

Joseph cu Bawipa naw m’htei ne m’khüt näng nak pek ci. Ani cu Egypt chang a bawi ah im ah om ci.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

2 SAMUEL 17:10

Phong kawng ah mäih ah kä kyi ne nget pi ciah chang gui phi kyik khai gui nei, a i ah kyasei ci ung Israel khaw ung chang avan naw, napa cu m’gäi ciah gakap, a chang gui cu ng’näng ciah ng’tuk bi gui ah hmat ci gui nei.

2 SAMUEL 17:8

Na pa David la a chang gui cu ng’tuk m’khüt ciah chang gui, a hta ami guh ung nget ciah khawm ah mäih ah nget ciah chang gui ah kyak ciah na hmat ci. Napa cu ng’tuk bi chüm ciah gakap ah kyak ci, ak chang gui awn a täng ah mü ah kä ip ci.

2 SAMUEL 14:20

Shin ah mawng avan ng’tän ne düng khai ah ani naw abi nei. Nang bawi mang cu Khanpughi ah khanchang ah mäih ah cüi vai ne, a mawng päng na hmat ci nei” cik ci.

1 SAMUEL 16:17

Saul naw thu k’bäi gui ci, “Akni ah tum thei cicu na shui pe vä, kei ah law püi vä” cik ci.

1 SAMUEL 16:19

Cun ah kyasei Saul naw Jesse ah chang tüi ne a pyen sak cu, “Na hta David htome shäm cicu kei ah na tüih law vai nei” ciah kyak ci.

1 SAMUEL 17:12

David cu Jesse ah hta, Ephrathit pakhui, Bethlehem mang gaw, Judah khaw ung ka ah kyak ci. Jesse ung a htapa cheit om ci, Saul ghangpughang ah a kyak yah ung ani cu ang’htei ah ghi law pyi ci.

1 SAMUEL 16:12

Cun ah kyasei Jesse naw chang tüi ne khü sak ci. Ani cu kyom ci, gai ne nong ci, amik cine ng’shü ci. Bawipa naw Samuel am, “Shin ah chang nei na phyuh theh vai!” cik ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.