1 SAMUEL 16:14 - Cho Bible Common Language 2016

¹⁴ Bawipa ah mümcha naw Saul cu htehtak ci, Bawipa naw mümcha she cu ani shekdam nak khai ah tüi ci.

1 SAMUEL 16:14 Referans Kwoze

SAM 51:11

Na ma ungka kä na k’tääm men ä; Na Mumcha Theing kä na lak en pe ba ä.

1 SAMUEL 18:12

Saul naw David cu kyih ci, a i ah kyasei ci ung Bawipa naw David om püi ci, ani cu nawng ci.

1 SAMUEL 28:15

Samuel naw Saul am, “A i ah kyasei na na m’shok shü ang? A i ah kyasei shi ah ka law vai ah na bi ang? cik ci. Saul naw “Kei cu khüikha nak akdäm ung ka gawk ci nei! Philistin gui naw na ng’tuk püi ci gui, Khanpughi naw na nawng ci. Cun ah kyasei ka ning khü nei, a i ka bi vai cu na m’thein ä” cik ci.

SUKI GUI 16:20

Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

SUKI GUI 9:23

Cun kawn ah Khanpughi naw Abimelek la Shekhem chang gui cu ng’gen sak gui sei, ngami naw ani cu hnung’tuk püi ci gui.

1 SAMUEL 18:10

A ngawi ung khaw ngawi Khanpughi ah tüih law ah mümcha she naw Saul cu ang ghit ah k’pang sei, a im kyong ah ak gu ah mäih ah gawmva ci. David cu ak hnüüp tä a tum man ah mäih ah tingtäng tum ci, Saul cu k’htei kawt ci.

HOSEA 9:12

Ami hta nau om sei ami däm ng’vai sak ung phi, kei na ka lak pe gui khai. Tumat phi ghing ne kä om khai gui. Kei naw shin ah chang gui ka nawng gui ah akiak ung ngami ah khan ah kyihkyawk vai gui gawk lawk khai.”

1 GHANGPUGHANG GUI 22:22

Bawipa naw, “A i hawcha ah ang?” ci sei; Mümcha naw m’shang ne, “Kei naw hteit ne, Ahab ah prophet gui avan cu hleei ne ka m’thein gui khai nei” cik ci. Bawipa naw “Hteit ne ani m’hleei ä, na näng khai nei” cik ci.

1 SAMUEL 11:6

Saul cu cun ng’ya neta, Khanpughi ah mümcha naw k’pang sei, m’lung she lawk ci.

SUKI GUI 16:29

Cun kawn ah Samson naw ang lung ung im tung hnih cu k’pang ci. Akut vangtäng awn tung tumat ci k’pang neta, ngami täng ah hei buh ne,

1 SAMUEL 16:15

Achangshäm gui naw, ani am, “Khanpughi naw atüih law ah mümcha she naw ning shedam nak ciah kami hmat ci nei.

1 SAMUEL 16:16

Cun ah kyasei thu k’bäi na pe gui ä, Saza, cun kawn ah a i cha tingtäng tum vai hmat ciah chang cu kami shui khai nei. Nang ah khan ah mümcha she a law yah ung, cun ah chang naw a tingtäng tum khai nei, cun ung nang na gai ba khai” cik ci gui.

1 SAMUEL 16:23

Cun kawn ah Khanpughi naw atüih law ah mümcha she cu Saul ah khan ah a gawk law päng ung, David naw a tingtäng cu la ne tum ci. Cun ung mümcha she cu a hei ah hteit ci, Saul cu ng’mang ba ne, gai ba ci.

2 SAMUEL 7:15

Cun ung phi kei naw ani ka m’düih nak cu, Saul m’hnawn ne ka bi ah mäih ah kä ka la ba khai, cun ah kyasei nang cu ghangpughang ah na kyak ci.

1 GHANGPUGHANG GUI 22:19

Makaiah naw hteit neta, “Tuhbäi Bawipa naw a i a pyen cu ngai ä! Bawipa cu khankho amang kiang ung ngo sei, a khanchang gui ami van a pei ah ng’düi u sei ka hmuk ci.