1 SAMUEL 16:12 - Cho Bible Common Language 2016

¹² Cun ah kyasei Jesse naw chang tüi ne khü sak ci. Ani cu kyom ci, gai ne nong ci, amik cine ng’shü ci. Bawipa naw Samuel am, “Shin ah chang nei na phyuh theh vai!” cik ci.

1 SAMUEL 16:12 Referans Kwoze

NG’ÄI KYAH 4:7

Keimi ah mang hta gui cu kä lelawi u ne khüi ah mäih ah theing ci gui, M’htung khong u ne, khüighat u ne, theek haih ne gaigawng ci gui.

SOLOMON NG’Ä~ 5:10

Kei ah ka m’hni cu kyom ne gaigawng ci; ani cu phia gha ung akbäpi ah kyak ci.

LAMKTU 7:20

Cun yah cu Moses ami hta nak ah khin ah kyak ci, Moses cu ang htei ah kyom ciah ak hmaw hta ah kyak ci. Ani cu cha thum ung apa ah imah ami om püi ah kyak ci.

LAMKTU 4:27

A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.

1 SAMUEL 17:42

David cu hmu law ne ng’htei neta, ani cu a i ah phi kä sui ci, a i ah kyasei ci ung ani cu nong ne, kyom hta ci.

1 SAMUEL 9:17

Samuel naw Saul cu hmu ne ta, Bawipa naw a pyen nak cu, “Kei naw a mawng ka ning m’thein gui cu shin ah chang nei. Ani naw ka chang gui cu uk khai.”

ATÜNNAK 39:6

Potipha naw a khawh avan Joseph am a ap kawn ah, a ei awk ah kawn ah, a khawh a i chü a om ba cu kä hmat ba ci. Joseph cu khüighaat ne a müi phi kyom ci.

HEBRU 11:23

Moses cu ami hta nak kawn ah cha thum ah kyong ung anu la apa naw ani thuh cu ani yum nak awn ah kyak ci. Ngahni naw kyom ciah ak hmawhta cu hmu ni netah, ghangpughang ah thu cu k’phleng vai ah kä kyik ci goi.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

SAM 2:2

Ami ghangpughang gui ng’tuk so u ne, uk ciah chang gui ng’sük u ne, Bawipa hnu ng’tuk püi ci gui, A ghü ah ghangpughang cu hnung’tuk püi ci gui.

PHYAWN NAK 2:2

cun ah hnumi cu pami hta ah hta lawk ci. A hta cu kyom khäta anu naw cha thum ung thup ci.

1 SAMUEL 17:55

David naw Koliath tuk khai ah a hteh cu Saul naw hmu neta, gabawi, Abner cu ng’shik ci, “Abner, Ani a u ah hta ang?” Abner naw, “Bawi Mang, kä ka hmat ci nei” cik ci.

2 SAMUEL 7:8

Kei A hlüngtai Bawipa naw ka pyen nak cu, ka changshäm David am m’thein ä, “Lo ah hto na shäm nak ungka kei naw ka ning lak ci, ka chang Israel gui uktu ah ka ning pyang ci.

2 SAMUEL 23:1

Jesse ah htapa David cu Khanpughi naw a dämduh sak ah chang ah kyak ci, ani cu Jakob ah Khanpughi naw ghangpughang ah a ghü ah kyak ci, ani cu Israel chang gui ah phäh ah ng’äi k’kiom gui pyang ciah kyak ci. Shin gui cu David ah ak hnu ah angthu gui:

1 GHANGPUGHANG GUI 1:34

A cu ah ani cu Israel ghangpughang ah kyak khai ah Zadok la Nathan naw phyuh theh khai goi. Cun kawn ah phyungheng tum ne m’lau khai gui. “Solomon ghangpughang cu akshou ghing sä!”

SAM 78:70

Ani naw akchangshäm David cu, a htome gui ashäm nak ah htongvong kyong ung ka ghü ne,

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

1 SAMUEL 16:18

Acun ung om ci gui ung ka tumat naw, “Bethlehem ah ka Jesse ung akni ah tumkhawng thei ciah a hta pami om ci. Ani cu ng’phet ne, kyom ci, gakap ni ah kyak ci, thu m’gawng thei ciah kyak ci. Ani cu Bawipa naw om püi ci.