1 SAMUEL 16:1 - Cho Bible Common Language 2016

¹ Bawipa naw Samuel am, “Saul ah phäh ah a i güt na cäi ng’ä khai ang? Israel ghangpughang ung ka, kei naw ka hnu na pyi ci nei. Cun ung phi tuhbäi oliv-situi la ne Bethlehem ah hteit ä, Jesse ming nak ciah hteit ä, a i ah kyasei ci ung, ani ah hta gui ung ka tumat cu ghangpughang vai ah kei naw ka ghü ci nei” cik ci.

1 SAMUEL 16:1 Referans Kwoze

2 GHANGPUGHANG GUI 9:1

Cun yah ung prophet Elisha naw chang nong prophet cu khü neta a pyen nak cu, “Pawng ne, Kilead kho Ramoth ah hteit ä. Shin ah oliv-situi k’am hteh püi ä,

1 SAMUEL 15:23

Ani hnu ng’tuk püi cu khawshe m’bei ah mäih ah shek ci, lingkeng aih cu agup khawihnah ah mäih ah katnak ah kyak ci. A i ah kyasei ci ung nang naw Bawipa ah thumkhän na hnu ng’tuk püi ci, ani naw na ghangpughang nak cu ning hnu ng’tuk püi ci” cik ci.

1 SAMUEL 15:35

Samuela naw a ghin ah chuih ghangpughang cu kä hmu ba ci; cun ung phi ani ah khan ah ng’ä ai ci. Saul cu Israel ghangpughang ah kyak khai ah a bi ah phäh ah Bawipa cu a yä ci.

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

1 SAMUEL 16:15

Achangshäm gui naw, ani am, “Khanpughi naw atüih law ah mümcha she naw ning shedam nak ciah kami hmat ci nei.

1 SAMUEL 10:1

Cun kawn ah Samuela naw, Olive situi um cu la ne, Saul ah alu shawi ne, ani cu ng’ui neta, “Bawipa naw nang cu ak chang Israel gui uktu ah ning phyuh theh ci nei. Nang naw ani ah chang gui cu uk gui ne, ami ga avan ung na shung vong gui vai. Shin cu Bawipa naw ak chang gui uktu ah a ning ghü ah mawng sak si m’dang nak ah kyak ci nei.

1 SAMUEL 15:26

Samuela naw, “Nang awn a täng ah kä ka hteit tu ba khai, nang naw Bawipa ah thumkhän na hnu ng’tuk püi ci, ani naw Israel ghangpughang ung ka ning hnu ng’tuk püi ci.

1 SAMUEL 9:16

am “Ngawi ung a tuhbäi chü, Benjamin pakhui ung ka chang tumat ka ning tüih lawk khai, ani cu Israel chang uktu ah na phyuh theh vai nei, ani naw Philistin gui ung ka phyawn gui khai nei. Kei naw ka chang gui ah gein vai nak cu hmu ne, m’htei gui vai ah ami kyah cu ka ng’yak ci nei.”

1 SAMUEL 15:11

“Saul ghangpughang ah kam hmoh ah phäh ah kei ka thüi ci nei; ani cu kei ung ka ng’hlat ne, ka thumkhän phi kä läk ci” cik ci. Samuela cu m’lung shei ci, amü pum Bawipa ah ng’coi ng’pa ci.

JEREMIAH 6:30

Ngami cu a phu kä om ciah ang eek ah khü gui vai nei, a i ah kyasei ci ung kei, Bawipa naw ka hnungtuk gui pyi ah kyak ci.

2 GHANGPUGHANG GUI 9:6

Cun kawn ah ngani cu im kyong ah lut ni neta, prophet nong naw Jehu ah lu khan ah oliv-situi cu yuk shawi neta, a pyen nak cu, “Bawipa, Israel Khanpughi naw ang ng’shäu cu; kei naw nang cu ka chang gui Israel chang gui ah ghangpughang ah ka ning phyuh theh ci nei.

1 SAMUEL 16:23

Cun kawn ah Khanpughi naw atüih law ah mümcha she cu Saul ah khan ah a gawk law päng ung, David naw a tingtäng cu la ne tum ci. Cun ung mümcha she cu a hei ah hteit ci, Saul cu ng’mang ba ne, gai ba ci.

JEREMIAH 7:16

Bawipa naw pyen ci, “Jeremiah, shin ah chang gui ah phäh ah kä na taigü en vai. Ngami ah hnün ung kä na kyah en vai. Kä na taigü en vai; Kei ah kä na taigü en vai, kei naw kä ka ning ngai khai.

ISAIAH 55:4

Kei naw ani cu pakhui gui ah ang vaihta la gakapbawi ah ka pyang ci, kei naw cun gui awn ani ungka naw ka huham ka m’dang ci.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

2 GHANGPUGHANG GUI 9:3

Ani ah lu khan ah shin ah oliv-situi cu yuk shawi neta, “Bawipa naw ng’shäu ci, ani naw nang cu Israel ghangpughang ah ning phyuh theh ci nei!” ci neta ang ghit ah na hteh tak vai nei” cik ci.

1 JOHAN 5:16

Na phäi nau tumat cu a cheishoh ung phi sih nak ah katnak ah kä ah kyak ah khoi ung, Khanpughi ah nak taigü peit vai, Khanpughi naw ani am ghin nak cu pek khai nei. Cun cu sih nak ung kä gawk nak hnga vai ah cheishoh ciah chang gui ah mawng ah kiak ci. Cun ung phi sih nak ung gawk nak ah cheishoh nak om ci, cun ah hmawk ah nami taigü vai ah ka pyein ah kä kyak ci.

JEREMIAH 15:1

Bawipa naw na pyen nak ci, “Ashin ung Moses la Samuela naw ng’düi ne ani na ng’paa nak ung phi kei naw shin ah chang gui am a i m’gein nak phi kä ka m’dang gui khai. Ahei ah hteh sak gui ä; kei ah pei ung ka naw ahei ah hteh sak gui ä.

JEREMIAH 11:14

Jeremiah, shin ah chang gui ah ami chaw ah kei ah kä na tai gü en vai, kä na yoih thäh en vai. Ngami cu khüikha nak ung gawk ne, m’htei gui vai ah ami na khü law ah a kyak ung kei naw kä ka ngai gui khai nei.”

ISAIAH 11:1

David ah uknak cu chuk pit ah sing ghing ah mäih ah kyak ci; cun ung phi sing hmui lim ne akthai ah a toi law ba ah mäih ah, David ah hta ng’shon ung ka, ghangpughang akthai tho law bakhai.

HEBRU 11:32

Kei naw k’täi ne ka pyein ba vai ang? Gidean, Barak, Samsan, Jephthah, David, Samuel la profet gui ah mawng ka pyein nak vai a khin kä ng’büh ci nei.

1 GHANGPUGHANG GUI 8:16

‘Kei naw ka chang gui Egypt ah ka, ka law püi ba gui yah ung, kei na khawihnah nak vai ah Taigüim cawh nak vai ah, Israel khaw avan ung a i mang gaw phi kei naw kä ka ghü ci. Cun ung phi, David aw, ka chang gui na uk vai ah kei naw ka ning ghü ci nei” cik ci.

1 SHONTÄP NAK 11:3

Cun ah kyasei Israel gui ah ami ng’vaihta gui ami van Hebron ung David Ghangpughang ah lawk ci gui. Ani naw ak bum gui. Ng’teng püi gui ci, ngami naw ani cu phyuh theh ci gui, ani cu Samuela ung Bawipa naw shai atak ah mäih ah Israel ghangpughang ah kya Lawk ci.

1 SHONTÄP NAK 28:4

Bawipa Israel Khanpughi naw kei la ka htangshon gui cu khonglän ung Israel kami uk vai ah na ghü gui ci nei. Ani naw Judah pakhui cu ami ng’vaihta vai ah ghü gui ci, Judah pakhui ungka kei ah pa ah kyonkhui mä ghü ba ci. Cun ah kyongchang avan ungka yei na neta kei cu na la ne, Israel khaw avan ung ghangpughang ah na pyang ci.

ZEKHARIAH 4:14

Cun kawn ah ani naw, “Shin ah angban goi cu chang sing goi ah kyak ci, Khanpughi naw abii bik khai ah a ghü, amdüih, m’dek khan avan ah bawi ah kyak ci.”

1 SAMUEL 17:12

David cu Jesse ah hta, Ephrathit pakhui, Bethlehem mang gaw, Judah khaw ung ka ah kyak ci. Jesse ung a htapa cheit om ci, Saul ghangpughang ah a kyak yah ung ani cu ang’htei ah ghi law pyi ci.