1 SAMUEL 15:3 - Cho Bible Common Language 2016

³ Amalek chang gui cu hteit ne tu gui vä, ngami ung om ci phung m’di yawp vä. A i phi kä nami k’pawih nak vai; chang avan pami, hnumi, akhmaw, nau sen; htome, kala uk la ng’sela avan nami ngawn vai.”

1 SAMUEL 15:3 Referans Kwoze

KHEI NAK 24:20

Cun kawn ah Balaam naw ang muimang ung Amalekit gui cu hmu gui neta, shin ah ng’cängbang ci: Amalek cu pakhui avan ung hlüngtai pikbäih ci, cun ung phi ak hnu ah angtäi sei m’di nak gah khai.

1 SAMUEL 22:19

Cun kawn ah Saul naw, Nob, taigü gui ah mang gaw ung om ci gui avan ngawn sak gui ci: Pami gui, hnumi gui, hmaw gui, hmaw hta gui, sei gui, la gui, htome gui avan ngawn sak gui ci.

KHEI NAK 31:17

Cun ah kyasei chang nong gui avan nami ngawn gui vai, ngami awn ng’yawpawn ciah hnumi gui phi avan nami ngawn gui vai,

PHYAWN NAK 20:5

A i ah a gup ah ma ah phi kä nami m’khukdong vai, kä nami khawihnah vai, a i ah kyasei ci ung, kei cu Bawipa, nami Khanpughi, a u awn phi kä ka ni täng ci. Kei na gen ci gui ah khan ah m’kyuk nak ka law püi ci. Ami hta ng’shon, shon thum, shon phli güt ung ka m’kyuk gui ci.

ATÜNNAK 36:12

(Timna cu Esau ah hta Eliphaza naw ak chu nak tuba ah kyak ci. Ani cu Amalek ah hta ah kyak ci.) Shin gui cu Esau ah chu Adah ah hta gui ah kyak ci.

PHYAWN NAK 17:14

Cun kawn ah Bawipa naw Moses am, “Shin ah näng nak ah mawng cu gu ne na m’hnüt vai, cun ung shüm ba lä vai, Joshua am m’thein ä, Amalekit gui avan ka m’di gui khai nei” cik ci.

1 SAMUEL 14:48

Ani naw m’gäi ne tu gui ne, Amalek chang gui phi näng gui ci. Ani naw Israel gui cu ng’tuk nak avan ung hun gui ci.

1 SAMUEL 15:9

Cun ung phi Saul la akchang gui naw Agag cu kä ngawn ci gui, htome la seipat aknipi, sei hta la htome hta aknipi, aknipi phung cu kä ngawn ci gui; a i ah kä mawng phyak ci la kholä khai phung m’di yawp ci gui.

1 SAMUEL 15:18

ani naw thu k’bäi ne Amalek changshe gui m’di gui vai ah a ning tüih ah kyak ci. Ami van kä na ngawn gui pha ah chuih na tuk gui vai ah a ning m’thein ah kyak ci.

1 SAMUEL 27:9

chang pami, hnumi avan ngawn ne, htome, seipat, ng’se la, kalauk gui avan la suisak gui avan cu la yawp ci. Cun ungka naw Achish ah law ba ci.

1 SAMUEL 30:17

A ngawi ung khaw ngawi David naw tu gui ne, mühun güt ung ng’tawh püi gui ci. Kalauk ng’cum ne dawng ciah chang nong phia phli kawn ah a u phyawng ci kä om ci.

2 SAMUEL 1:8

Ani naw nang a u ang cine, na ng’shi sei, kei Amalek chang nei cine ka m’thein ci.

JOSHUA 10:39

Ani naw cun cu, cun ung om ciah ghangpughang la a pei yung ah gawnu gui mah ah khäm ci. Acun ung ci nü cu ngawn ci gui. Joshua naw Hebron la Libnah la acun ung om ciah ghangpughang ah khan ah a bi ah mäih ah Debira ghangpughang ah khan ah phi bik ci.