1 SAMUEL 15:24 - Cho Bible Common Language 2016

²⁴ Saul naw, “Ä, kei ka hma ci nei. Kei naw Bawipa ah thumkhän la nang ah m’shümthein cu kä ka läk ci nei. Kei naw ka chang gui cu ka kyih gui ci, ngami naw ami ng’yak hlü bik ci gui.

1 SAMUEL 15:24 Referans Kwoze

2 SAMUEL 12:13

David naw, “Kei naw Bawipa hnu ng’tuk püi ne katnak ka bik ci nei” cik ci. Nathan naw, “Bawipa ning m’gein sei ci, nang kä na sik khai.

NG'THU K'THUUK~ 29:25

Chang gui naw ami ning ngaih ah mäih ah na om ung kyih vai kyak ci, Cun ung phi Bawipa ung na ng’ap ung na phyawng gai khai.

KHEI NAK 22:34

Balaam naw m’shang ne, “Kei ka hma ci nei, nang naw kei na hnungtuk püi ne lam ung na düih cu kei naw kä ka hmat ci nei. Cun ung phi tuhbäi ka hteh cu nang naw hma ciah na ngaih ah a kyak ung kei ka im ah ka ng’hlat ba khai nei” cik ci.

THU PHLAAN 21:8

Cun ung phi kyik ciah chang, pyaai ciah chang, chang ngawn ciah chang, chang shemshai, chang om kaa, ng’pluh ciah chang, a gup khawihnah ciah chang la hleeihlak ciah chang gui cu yam mei cang ung lut yawp khai gui. Cun cu ak hnih vei nak sihnak ah kyak ci” ci ne pyein ci.

KALATIAN 1:10

Cun ah ka pyein cu chang naw a na k’bääi vai ah ka pyein ah kya ne ang? Cun ah kä kyak ci, Kei ah ng’yak hlü cu Khanpughi ah nak bääi vai bäng ah kyak ci. Kei cu chang ah na chang m’sui vai ah ka k’tha nak ciah kya ne ang? Cun ah ka k’tha nak ciah a kyak ung kei cu Bawi Khrit ah changshäm ah kä ka kyak khai.

MATTHE 27:4

Cun kawn ah ani naw, “Kei naw katnak kä om ciah chang cu sih nak vai ah ap ne, katnak bäih ka bik ci nei,” cik ci. Cun ung phi nangmi naw, “Shin ah mawng ung keimi kä na nak phaa gui vai, na mät ah bi ah kyak ci,” ci nak ci gui.

PHYAWN NAK 23:2

Katnak bi u ne, taga nak k’phleng ne ami saksi law ung chang ah da nak täng düt ah kä na läk tu vai.

JEREMIAH 38:5

Ghangpughang Zedekiah naw m’shang gui ne, “Bä khai nei, nami ng’yak hlü ah ani ah khan ah bi vä; kä ka ning maa na gui khai nei” cik ci.

JOB 31:34

Chang gui naw ami pyen vai cu kä ka kyi phung ci nei, Kei cu ngami ah päipih nak kyih ne kyong khui düt ah kä chawkchek ne kä ka om ci nei,

1 SAMUEL 15:30

Saul naw, “Kei ka hma ci nei” ci ba ci. Cun ung phi ka chang gui ah ami ng’vai gui la Israel chang avan ah ma ah, chang m’sui nak bawta na m’dang pe ä. Kei awn a täng ah hteit tu ba ä, cun ung kei naw Bawipa na Khanpughi cu ka khawihna hlawt khai” cik ci.

1 SAMUEL 15:15

Saul naw, “Ka chang gui naw Amalek chang gui ah ka mi law püi nei. Ngami naw aknipi ah htome la seipat gui cu Bawipa na Khanpughi am khawihnah nak ah dou thak vai ah ami gim ah kyak ci, ak pawih ba cicu avan kami m’di zawip ci” cik ci.

1 SAMUEL 15:9

Cun ung phi Saul la akchang gui naw Agag cu kä ngawn ci gui, htome la seipat aknipi, sei hta la htome hta aknipi, aknipi phung cu kä ngawn ci gui; a i ah kä mawng phyak ci la kholä khai phung m’di yawp ci gui.

1 SAMUEL 2:29

A i ah kyasei, kei naw ka chang gui ung ka thäh ah khawihnah nak la douthak nak cu nangmi naw ei hlü ne nami teng ang? A i ah kyasei Eli, kei ah ta na hta gui na m’taam gui pi ang, ka chang gui naw ami na douthak law ah khawihnah nak ah aknipi gui avan cu ei sak gui ne, na plan sak gui ci gui ne ma?

PHYAWN NAK 10:16

Ghangpughang naw Moses la Aaron cu ang ghit ah khü goi neta, “Kei naw sheka ne Bawipa nami Khanpughi la nangmi cu ka ning hnungtuk püi gui ci nei.

PHYAWN NAK 9:27

Ghangpughang naw Moses la Aaron ah chang tüi ne, “Tuhbäi kei cu ka hma ci nei, Bawipa cu hman ci nei, kei la ka chang gui cu kami cheishoh ci nei.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

ATÜNNAK 3:12

Chang naw, “Nang naw na law püi ah hnumi naw sing theih cu na pe sei ka ei ci nei” pyen ci.

1 SAMUEL 26:21

Saul naw, “David, ka hta, kei ka hma ci nei, law ba ä! Kei naw kä ka ning hnim ba khai nei, a i ah kyasei ci ung tuh mü nang naw ka hnun na na k’phawn ci. Kei cu ka gu ang ci! Kei naw kyihkyawk vai ka bik ci!” cik ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.