1 SAMUEL 15:22 - Cho Bible Common Language 2016

²² Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

1 SAMUEL 15:22 Referans Kwoze

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

NG'THU K'THUUK~ 21:3

Düng ci, bä cicu na bi vai, cun naw khawihnah nak law püi ah ta Bawipa cu yei sak pi ci.

MAKUH 12:33

Khanpughi cu m’lung kyong avan, hmuhmat nak avan la k’tha gui avan nawn m’hni vai, mät ah paw chang cu mät awn m’täng ne m’hni vai’ ciah thukhän hnih läk cu Khanpughi-am ak ghing ngawn ne m’khih ne khawihnah nak la Khanpughi-am a hei gui peit nak nüng ah tah bä pi ci nei” cine pyein tu ba ci.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

THUSHÄUTU 5:1

Taigüim ah nami hteh ung ng’thei vai ah hteh cu ni pi ci. Nami geing nak vai. A cu ah hteit ne ngaih yak cu a hma la a hman kä hmat ciah chang gu-ang naw khawihnah a douthak ah ta bä tuba ci.

MATTHE 12:7

Cacim ung ‘Kei naw ngawnsheh vawihpeh ah mä, m’gein nak cu kamhni pi ci,’ ciah om ciah a mawng cu nami hmat vai sü ung, katnak kä bik ciah chang gui düt thüi nah ne kä nami m’kat gui khai sü te.

MATTHE 23:23

“Thuvi ciah pharisee gui la thukhän saya gui, nangmi ung thüisei nak om ci. Nangmi cu m’lui, k’bei, an mai nüng bum gha bum ät nami peit ung phi, taga nak, m’gein nak, düngnak gui ah thukhän ung küikyang pi ci gui cu nami nawng ci. Nangmi naw bum gha bum ät phi pe khenggeng ne thukhän phi nami läk vai.

MATTHE 5:24

na peit vai ah khawh cu, mangkiang ah ak ka ah nawng shüt netah, ani ah hteit ne nang gei püi ba cang vai, cun kawn ah law ba ne na peit vai ah khawh cu Khanpughi-am na ap vai.

JEREMIAH 26:13

Nangmi naw nami om ih la nami bilawh gui cu nami m’thawng vai nei, Bawipa nami khanpughi cu nami ngaih vai nei. A cun ah nami bi ah a kyak ung nangmi ah khan ah alaw püi vai a pyen ah m’dii m’shum nak ah mawng ung ani naw am’lung m’thawng khai nei.

PHYAWN NAK 19:5

Tuhbäi kei na ngai ne, ka thukhän nami k’pan ah a kyak ung nangmi cu kei ah chang ah nami kyak khai. Khomdek avan cu kei ah kaa ah kyak ci. Cun ah kyasei nangmi cu kei ah chang gui ah nami kyak khai.

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

JEREMIAH 11:4

Cun ah thukhän cu cun ah khaw cu ngami ah phäh ah mei cang ah mäih ah mäih ah kyak ci. Egypt khaw ungka ka law püi ba gui yah ung ami pupa gui am ka pek gui thumkhän ah kyak ci. Kei ami na ngaih vai la kei ah ka thumkhän nü ami bi vai ah kei naw ka m’thein gui ci. Ka m’thein gui ci, kei amo na ngaih ah a kyak ung ngami cu kei ah chang ah kyak khai gui, kei cu ngami ah Khanpughi ah ka kyak khai.

ATÜNNAK 4:4

Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.

1 SAMUEL 13:13

Samuel naw, “Cun cu ak ang ah ngaih-tüh ne bi ah kyak ci,” cik ci. Bawipa nami Khanpughi ah ning pek ah thumkhän cu kä na läk ci. Na läk vai sü ung, nang la na hta ng’shon gui cu ngawi yä Israel nami uk khai ah ning chuiso gui khai sü te.

1 SAMUEL 13:12

Cun ah kyasei shin ung Gilgal ung Philistin gui naw law ne, na tu lawk khai gui ah ka ngai ci, kei naw Bawipa ah hmai kiang nak gah vai ah ka tha nak a i kä om ci, cun ah kyasei khawihnah nak douthak vai ah ka ngai ci” cik ci.

HOSEA 8:13

Ngami naw khawihnah nak cu na douthak u ne, Khawihnah nak ah asa cu ei ci gui. Cun ung phi kei Bawipa naw kä ka yei na gui ci. Tuhbäi ngami ah kat nak cu shüm pe gui ne, acun ah phä ah ka m’kyuk gui khai. Kei naw Egypt khaw ah ka tüi ba gui khai.